Tjetër klub italian pritet të shitet te amerikanët

Futbolli italian po bëhet një pikë e re fokusimi për investitorët amerikanë që kërkojnë të futen në këtë sport, me klube duke përfshirë Milani-n, Romën, Fiorentina-n, Spezia-n dhe Venezia-n, të drejtuara të gjitha nga amerikanët.

Sipas asaj që shkruan “The Athletic”, një tjetër klub nga Serie A mund të përfundojë në duart e amerikanëve.

Mediumi i lartcekur shkruan se familja Pozzo pritet t’i shesë aksionet e Udinese-s tek investitorët amerikanë.

🔺 Pozzo family in advanced talks to sell significant stake in Udinese to a US company
🔺 Deal expected to include a minority share – around 10% – in Watford
🔺 Both clubs declined to comment@AdamLeventhal, @mjshrimper and @polballushttps://t.co/i9vIXWGFII

— The Athletic | Football (@TheAthleticFC) October 26, 2022

Udinese është një nga skuadrat e pakta të Serisë A që zotëron stadiumin e tyre, gjë që është një element thelbësor për investitorët.

Një raport i “The Athletic” pretendon se Udinese është në negociata të avancuara për një shitje te një investitor amerikan me palën e Serisë A që vlen rreth 200 milionë dollarë.

Në këtë marrëveshje pritet të përfshihet edhe blerja e 10% të aksioneve të klubit anglez, Watford, që gjithashtu është në pronësi të familjes Pozzo.

Besohet se Watford vlerësohet në 140 milionë funte, e cila mund të shkojë deri në 200 nëse klubi arrin të ngjitet në Premier Leauge në sezonin e ardhshëm.

Familja Pozzo ka qenë në krye të Udineses që nga viti 1986, ndërsa në vitin 2012 e blenë dhe Ëatford-in, të cilët ishin në Premier League sezonin e kaluar.

Ata kishin zotëruar gjithashtu skuadrën spanjolle Granada mes viteve 2009 dhe 2016, duke shkëmbyer rregullisht lojtarë në huazim midis tre klubeve të koordinuara.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.