![](https://albanianpost.com/wp-content/uploads/2023/05/1254615647-scaled-1.jpeg)
Te Real Madrid-i të gjithë e patën vëmendjen te Eduardo Camavinga, i cili u dëmtua në ndeshjen e fundit ndaj Getafe-s.
Francezi u detyrua ta lëshonte fushën, pasi pësoi një dëmtim në gju në minutën e 84-të.
Kjo bëri që Carlo Ancelotti të shqetësohej për shëndetin e tij, pasi që këtë të mërkure skuadra e tij do ta ketë ndeshjen më të rëndësishme deri më tani, ku do të përballet me Manchester City-n në ndeshjen e dytë gjysmëfinale të Ligës së Kampionëve.
Frika dhe tensioni ishte i lartë te madrilenët duke qenë se Camavinga është shndërruar në një prej lojtarëve kryesorë të Realit teksa është përshtatur më së miri në rolin e mbrojtësit të djathtë.
Gjithsesi, ka qenë rezonanca magnetike ajo e cila bën që trajneri Ancelotti të “marrë frymë” lirisht duke qenë se analizat treguan se 20-vjeçari nuk ka asnjë dëmtim serioz dhe pritet të jetë gati për ndeshjen e ardhshme në “Etihad Stadium”.
Kujtojmë që ndeshja e parë në “Santiago Bernabeu” të Madirdit përfundoi me rezultat 1:1, andaj misioni do të jetë i vështirë për skuadrën e Ancelotti-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com