Futbollisti i kombëtares së Shqipërisë, Kristjan Asllani, pati një paraqitje shumë të mirë në ndeshjen e Kupës së Italisë, ku Inter-i i tij e eliminoi me vështirësi skuadrën e Parma-s.
Pas ndeshjes, faqja e Inter-it hapi një votim për lojtarin më të mirë të këtij takimi, teksa 4 mijë e 350 votues morën pjesë.
Prej tyre, më së shumti votuan për mesfushorin kuqezi, i cili mori 36.3% të votave, duke lënë prapa dy golashënuesit: Lautaro Martinez-in me 26.6% dhe Francesco Acerbi-n me 23.7% të votave.
È @KristjanAsllani il vostro #MOTM di #InterParma 🏅👏#ForzaInter pic.twitter.com/lJ8AWByhxR
— Inter (@Inter) January 12, 2023
Asllani pati një paraqitje shumë të mirë në këtë ndeshje. Gjatë 120 minutave lojë, ai ishte lojtari me përqindjen më të lartë të pasimeve 96% të sakta (113 nga 118), 80% të dueleve të fituara ( 4 nga 5), etj.
Pra, një mundësi e mirë nga ana e Asllanit për ta fituar një vend në formacionin titullar të skuadrës zikaltër.
20-vjeçari e kishte të vështirë të depërtonte në formacioni startues, por mungesa e mesfushorëve si Calhanoglu, Brozovic e Barella, ka bërë që Asllani ta niste titullar atë sfidë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE