Threads me veçori të reja

Threads, aplikacioni i Meta-s, planifikon të integrojë veçoritë e dërgimit të mesazheve brenda platformës për të përmbushur nevojat e përdoruesve.

Për momentin, përdoruesit ende nuk mund të dërgojnë mesazhe direkt nga Threads, por duhet të shkojnë tek profili i personave që dëshirojnë të kontaktojnë.

Në një intervistë për Washington Post, Adam Mosseri, i Meta-s, ka bërë të ditur se kjo është vetëm një nga disa veçoritë që ata planifikojnë të shtojnë në Threads, me qëllim që aplikacioni të vazhdojë të zhvillohet.

Threads ka katër prioritete së pari, ata synojnë të ndihmojnë përdoruesit në ndërtimin e listave të personave që duan të ndjekin, duke bërë më të lehtë gjetjen e miqve. Së dyti, Meta do të punojë për përmirësimin e algoritmeve që përcaktojnë përmbajtjen që shfaqet, me qëllim që të ofrojë përmbajtje më relevante dhe interesante. Së treti, aplikacioni do të përfshijë mënyra të reja që përdoruesit mund të shikojnë postimet e njerëzve që ndjekin, duke siguruar një eksperiencë më të personalizuar. Së katërti, Threads do të punojë në lehtësimin e komunikimit mes përdoruesve, duke integruar veçorinë e dërgimit të mesazheve, kështu që ata mund të komunikojnë më lehtë me njëri-tjetrin.

Megjithatë, kur u pyet për vizionin e tij për suksesin afatgjatë të Threads, Mosseri nuk ofroi detaje të mëtejshme. Në vend të kësaj, ai përqendroi vëmendjen te këto katër prioritete afatshkurtra, që tregojnë përkushtim të Meta për të përmirësuar eksperiencën e përdoruesve në këtë platformë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.