![](https://albanianpost.com/wp-content/uploads/2024/04/2051664380.0.jpg)
Thomas Tuchel drejtoi skuadrën e tij Bayern Munich drejt gjysmëfinales së Champions League pasi mundi Arsenal-in në çerekfinale.
Joshua Kimmich shënoi golin e vetëm të mërkurën në mbrëmje për t’i dërguar gjermanët në gjysmëfinale me rezultatin 3-2 në total.
Bayern-i, është klubi i tretë i ndryshëm që Tuchel ka kualifikuar në katër skuadrat më të mira të Evropës, duke iu bashkuar një grupi elitar trajnerësh.
Vetëm Carlo Ancelotti, Jose Mourinho dhe Pep Guardiola e kishin arritur këtë sukses para gjermanit.
Tuchel, 50 vjeç, ishte nënkampion me Paris Saint-Germain në 2020 dhe fitoi trofeun me Chelsea-n një vit më vonë.
Ai e realizoi arritjen e tij të fundit pavarësisht faktit se ai do të largohet nga Bayern-i në fund të sezonit pas përpjekjeve të dështuara të tij për të konkurruar me Bayer Leverkusen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com