Theu rekord: lundroi vetëm përtej Oqeanit Atlantik

Britanikja, Jasmine Harrison, është bërë femra më e re që lundroi vetëm përtej Oqeanit Atlantik duke përfunduar udhëtimin e saj prej 4 mijë e 800 kilometra, nga Spanja në Antigua.

Sipas organizatorit të Atlantic Campaigns, Harrison përfundoi sfidën e “Talisker Whisky Atlantic 2020” për 70 ditë, 3 orë dhe 48 minuta – duke shënuar një rekord të ri botëror si femra më e re që pedaloi vetëm përtej çdo oqeani.

🎥 RUDDERLY MAD FINISH VIDEO – NEW WORLD RECORD 🎥
21 year old Jasmine Harrison of @rudderlymad completes #TWAC2020 in 70 days, 3 hours, 48 minutes and has become to youngest female to row solo across any ocean!

A huge congratulations Jasmine! 🏆 pic.twitter.com/hsRdvQZK7m

— Atlantic Campaigns (@ACampaigns) February 20, 2021

Gjatë rrugës, ajo kishte një “përplasje me një barkë, dy përmbysje, gjalpë kikiriku dhe konsumoi shumë krem ‘Nutella’.

Harrison, e cila vjen nga qyteti i Thirsk në Yorkshire të Anglisë, u shpreh në mediat e saj sociale se ishte e frymëzuar për të marrë pjesë në një sfidë të tillë kur në vitin 2018 ajo pa përfundimin e një gare të ngjashme. Aso kohe ajo ishte në Karaibe ku po punonte si mësuese noti.

“U inspirova të marr pjesë në një garë të tillë edhe pas një bisede që kisha me një familjar timin i cili sapo kishte përfunduar pjesëmarrjen e tij në këtë lloj sfide dhe nuk pushonte duke më treguar se sa e mahnitshme ishte kjo eksperience ” shkruan ajo.

Në llogarinë e saj të Facebook-ut, Harrison, gjithashtu postoi një mesazh sensibilizues.

“Shpresoj të jem inspirim për moshat e reja, dua ti frymëzoj që pavarësisht moshës, ata duhet të ndjehen të lirë dhe të mënjanojnë çdo frikë, në mënyrë që ti realizojnë ëndrrat e tyre” përfundon Harrison.