Më shumë se një vit ka kaluar që kur Tesla zbuloi versionin e parë të Cybertruck. Që atëherë kompania ka qenë kryesisht e heshtur në lidhje me planet për kamionçinën e saj elektrike (Cybertruck).
Por, drejtori ekzekutiv i firmës, Elon Musk tha se një version i azhurnuar i Cybertruck mund të vijë së shpejti.
Të shtunën, Gary Black, ish drejtori ekzekutiv i Aegon Asset Management, shkroi në Twitter:
“@elonmusk – ka ndonjë përditësimin për datën e daljes në treg të Cybertruck? A ka ndonjë tipar apo veçori interesante? Po presim me padurim”.
Musk u përgjigj, duke thënë se Tesla “ndoshta” do të njoftonte klientët në lidhje me Cybertruck në tremujorin e dytë. Ai gjithashtu shkroi se kamionçina do të ndërtohet në fabrikën e kompanisë në Teksas.
Tesla zbuloi versionin e parë të Cybertruck në nëntor të 2019-ës.
Gjatë prezantimit, një anëtar i personelit të kompanisë goditi me çekan anët e kamionçinës. Mjeti nuk u dëmtua.
Por, prova e xhamave, të supozuara si të pathyeshme, nuk shkoi ashtu si duhet.
Një top metalik, i hedhur në dritare, i theu ato.
Musk kohët e fundit pranoi se Tesla ka probleme të cilësisë.
Në vitin 2018, këshilltari i inxhinierisë Sandy Munro tha se Modeli 3 fillimisht kishte “defekte që zakonisht ndodhin makinat Kia në vitet ’90”.
Modeli aktual i Cybertruck vështirë se i ngjan një kamionçine tradicionale, me kënde të mprehta futuristike që duket si diçka nga filmi fantashkencë, “Recall Total”.
Sipas faqes zyrtare të Tesla-s, versioni bazë i Cybertruck fillon me 39 mijë e 900 dollarë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
