Lajme

Terapia kundër HIV-it që “e ndryshon jetën”, sipas Jonathan Bazzi-t


“Sonte do të marr për herë të fundit (shpresoj) tabletën ngjyrë rozë të zbehtë, e cila prej gjashtë vitesh ka krijuar oraret e mia”.

Kështu ka nisur postimi në Instagram me të cilin shkrimtari 37-vjeçar Jonathan Bazzi u ka shpjeguar ndjekësve se si funksionon terapia e re kundër virusit HIV, e cila “ndryshon vërtet shumë”.

Ai ka jetuar me virusin prej vitesh dhe gjithmonë ka përshkruar peripecitë mjekësore dhe sociale që i ka sjellë HIV-i, duke filluar me librin e tij debutues të vitit 2019, “Ethet”.

Është një roman autobiografik në të cilin historia e zbulimit të sëmundjes bëhet pretekst për vetë-analizë. Por edhe në mediat sociale, përmes të cilave ka ekspozuar analizat, spitalet, mjekët dhe pilulat rozë që duhen marrë çdo ditë.

Përherë në të njëjtën kohë që të mos humbasin efektivitetin.

“Në këto gjashtë vjet që nga diagnoza kemi pasur gjithmonë orë alarmi të koordinuara në telefon: kudo që të ishim, bashkë apo të ndarë, në paqe apo në luftë, përgjegjësia ime u bë edhe e të dashurës, u bë e jona”.

Historia e tij ka bërë të mundur që personat me këtë virus të jenë sërish në qendër të vëmendjes.

Po ashtu ka thyer disa tabu mbi një sëmundje që ende vuan nga dezinformimi dhe stigma e fëmijëve të viteve 1980 dhe 1990.

“Trupi im është sot një fushë e veprimit të vazhdueshëm mjekësor, shumë më tepër se sa them unë. Tërheqje, vaksina, biopsi, studime kombëtare, vizita dhe më shumë vizita”.

Nuk ka asnjë terapi të aftë për të çrrënjosur plotësisht HIV-in.

Por ka ilaçe efektive antiretrovirale që mund të kontrollojnë riprodhimin e virusit.

Ato nuk e shërojnë infeksionin, por e mbajnë larg. Në fillim kishte 10 deri në 15 tableta në ditë, pastaj gradualisht u bënë dy ose tre.

Tani, thuajse dy vjet pas miratimit nga Agjencia Evropiane e Barnave (EMA), ka ilaçe me të cilat injeksioni mund të merret çdo dy muaj.

“Për momentin kjo është kohëzgjatja, por tashmë po punojnë për ato gjashtëmujore. Quhen Carla, janë injeksione jetë-shpëtuese”, ka treguar ai.

Jo të gjithë pacientët do të mund të përfitojnë, por bëhet fjalë për 30 deri në 50 për qind të tyre.

Referuar mjekëve, do të jenë për ata që nuk kanë pësuar dështime në terapitë e mëparshme, që kanë marrë një infeksion HIV që nuk paraqet rezistencë ndaj barna me veprim të gjatë ose barna që nuk kanë rezultuar pozitive për një kohë shumë të shkurtër.

Marrë nga “La Stampa”, përshtatur për “Albanian Post”.

/Albanianpost.com


Lajmet kryesore