Ten Hag kërkon përforcime në klub

Trajneri i Manchester United, Erik ten Hag, ka bërë thirrje për më shumë investime në klub, në mënyrë që ata të mund të sfidojnë për trofe pasi ekipi përfundoi në pozitën e tretë në Premier League këtë sezon.

United vulosi vendin e tretë, duke përfunduar sezonin me 75 pikë, shpenzoi më shumë se 200 milionë funte verën e kaluar për Antony, Casemiro, Lisandro Martinez dhe Tyrell Malacia, si dhe nënshkroi Christian Eriksen si agjent të lirë.

Klubi i Old Trafford, i cili fitoi një kupë në shkurt, ka mundësinë të fitojë edhe një trofe kur të përballet me Manchester City-n në finalen e FA Cup të shtunën.

“Ne jemi në drejtimin e duhur, por nuk jemi aty ku duhet të jemi, ka ende një rrugë të gjatë për të bërë, ka potencial në këtë ekip dhe lojtarë individualë”, u tha Ten Hag gazetarëve pas fitores 2-1 të së dielës ndaj Fulhamit.

“Ne treguam gjatë sezonit se kemi bërë progres, ky është një kompliment për lojtarët dhe trajnerët, kemi punuar shumë shumë, por duhet të bëjmë një investim.

“Klubi e di nëse doni të luani katër më të mirët, të konkurroni për trofe në këtë ligë të vështirë, atëherë duhet të investoni përndryshe nuk keni mundësi sepse klubet e tjera do ta bëjnë këtë”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.