Ten Hag kërkon edhe një transferim në janar

Erik ten Hag i ka kërkuar Manchester United-it që të “godasë” në tregun e transferimeve nëse paraqitet një mundësi para afatit të së martës.

United deri më tani ka shtuar vetëm sulmuesin e huazuar Wout Weghorst në janar.

Por me vetëm disa ditë para afatit, Ten Hag ka ushtruar presion mbi bordin për të vazhduar ndjekjen e nënshkrimeve të reja përpara asaj që mund të jetë një gjysmë e dytë e ngjeshur e sezonit në katër gara.

“Në ditët në vijim, nëse do të kishim mundësinë, unë do të shkoja për të, por kjo nuk varet gjithashtu nga unë, kjo është gjithashtu e qartë”, tha Ten Hag.

“Unë mendoj se ky klub gjithmonë duhet të ketë qasjen që çdo ditë duhet të përmirësohesh, kështu që nëse ka mundësi për t’u përmirësuar, atëherë duhet të godasësh”.

“Kjo është qasja ime, kështu që unë jam duke kërkuar përreth, për të hulumtuar, por kam një ide me cilat profile mund të forcojmë skuadrën”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.