Irani do të mirëpresë në kryeqytetin e saj një samit trepalësh me udhëheqësit e Rusisë dhe Turqisë.
Lajmi u bë i ditur nga korrespondenti i Al Jazeera-s, Ali Hashem.
“Një burim diplomatik sapo më ka konfirmuar se Putin, Erdogan dhe Raisi do të kenë një samit trepalësh në Teheran javën e ardhshme”, u shpreh fillimisht gazetari.
A diplomatic source has just confirmed to me that Putin, Erdogan, and Raisi will have a trilateral summit in Tehran next week pic.twitter.com/2eSv7PurOW
— Ali Hashem علي هاشم (@alihashem_tv) July 12, 2022
Vizita e Putin-it në Iran gjatë javës së ardhshme, u konfirmua edhe nga agjencitë vendase, duke cituar kryetarin e komisionit ekonomik, Mohammadreza Pourabrahimi.
Pourabrahimi e zbuloi këtë gjatë udhëtimit të tij në Rusi me guvernatorin e Bankës Qendrore të Iran-it.
Zyrtari iranian shtoi se planifikimi për zhvillimin e bashkëpunimit ekonomik midis Iran-it dhe Rusisë do të jetë prioritet i konsultimeve midis presidentëve të dy vendeve.
Presidenti iranian Ebrahim Raisi dhe homologu i tij rus Vladimir Putin u takuan në kryeqytetin e Turkmenistanit, Ashgabat.
Kjo, në margjinat e samitit të gjashtë të krerëve të shteteve bregdetare të Detit Kaspik.
Pourebrahimi nënvizoi se serioziteti i rusëve në fushën e bashkëpunimit ekonomik me Iran-in është më i lartë se në të kaluarën.
Kryetari i Komisionit Ekonomik të Kuvendit deklaroi se pas vizitës së fundit të presidentit në Rusi është krijuar një atmosferë pozitive për bashkëpunimin ekonomik me Iran-in.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Zbulohet një diamant 1 mijë karatësh në Botswana
-
Policia ngre alarmin për disa “mesazhe mashtruese” që vjedhin llogaritë e mediave sociale
-
Shpërthim masiv në uzinën e lëndëve kimike në Texas, urdhërohen evakuime
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel