Samiti trepalësh egjiptian-jordanian-palestinez do të mbahet në Kajro të enjten, tha një burim egjiptian për Asharq Al-Awsat.
Ai tha se takimi synon të unifikojë pozicionin arab ndaj rifillimit të negociatave me Shtetet e Bashkuara mbi bisedimet e paqes.
“Samiti duhet të bazohet në një qëndrim të unifikuar arab në lidhje me rifillimin e bisedimeve paqësore izraelito-palestineze, dhe në kontaktet e mbajtura me Washington-in, pas vizitës së drejtorit të Agjencisë Qendrore të Inteligjencës të SHBA-ve William Burns në Kajro, Ramallah dhe Tel Aviv dy javë më parë”, tha burimi.
Ai shtoi se një nga rezultatet e bisedimeve të Burns në rajon është takimi i fundit i mbajtur midis ministrit izraelit të Mbrojtjes, Benny Gantz, dhe presidentit palestinez Mahmoud Abbas në Ramallah.
Samiti do të sjellë së bashku mbretin jordanez Abdullah II, presidentin egjiptian Abdel Fattah al-Sisi dhe Abbas.
Një burim jordanez zbuloi se samiti kryesisht kërkon të koordinojë pozicionet mbi zhvillimet e fundit në rajon përpara udhëtimit të Abbasit në Kombet e Bashkuara, ku ai pritet të mbajë një fjalim.
Të hënën, kryeministri palestinez Mohammad Shtayyeh tha se ai mezi pret samitin trepalësh për t’i kërkuar administratës amerikane të përmbushë premtimin e saj për krijimin e dy shteteve dhe t’i japë fund vendbanimeve “racore”, si dhe zgjidhjen e pushtimit izraelit të tokave palestineze.
/Albanianpost.com-
Stoltenberg: Ukraina ka të drejtë të aplikojë për anëtarësim, por prioritet tani është ndihma
-
Maroku kërkon nga Adidas-i ndryshim të dizajnit të fanellave algjeriane
-
Pejë: Sulmohet seksualisht në qendër të qytetit – “jam ende në gjendje të rëndë”
-
Putin: Do të bëj gjithçka për të ruajtur sigurinë në zonat e aneksuara
