![](https://albanianpost.com/wp-content/uploads/2023/12/Millosh-Vucevic.jpg)
Ministri i Mbrojtjes së Serbisë, Millosh Vuçeviç, ka kërkuar që serbët të mos jenë të indinjuar me vendimin e fundit të Qeverisë së Serbisë për t’i lejuar qarkullimin e lirshëm të automjeteve me targat RKS në territorin e Serbisë, meqë një gjë e tillë nuk do të thotë asgjë.
Vuçeviç ka kërkuar maturi politike nga serbët meqë Serbia me këtë vendim “nuk humb e as nuk fiton asgjë”.
“Pse jeni të mërzitur? Lëreni të udhëtojnë. Të tregohemi pak të mençur politikisht, na duhet pak durim”, citohet të ketë thënë Vuçeviç, raporton mediumi opozitar serb, Danas.
Ai ka garantuar se lejimi i qarkullimit të automjeteve me targat RKS në Serbi nuk do të thotë në asnjë mënyrë se Beogradi zyrtar e njohu Kosovën.
“Nuk do të thotë njohje e pavarësisë së Kosovës dhe as Serbia nuk do ta njohë ndonjëherë pavarësinë e Kosovës”.
Qeveria e Kosovës, të enjten, vendosi për largimin e regjimit të letrave ngjitësve/stikersave nga veturat me targa të Serbisë që hyjnë në territorin kosovar, pasi Qeveria e Serbisë lejoi qarkullimin e targave të Republikës së Kosovës (RKS) në territorin serb.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Haxhiu njofton se janë gjetur mbetjet mortore të një personi që dyshohet se janë nga lista e personave të zhdukur
-
PDK: Institucionet të hetojnë djegien e dy veturave në Zveçan
-
Ulutas me komandantin grek diskutojnë për situatën e sigurisë e dialogun
-
Deputetët e VV-së bllokojnë komisionin parlamentar për llogari të Selajdin Beqës, njeriu me aktakuzë që rrahu kolegun në zyrë
Lajmet kryesore
-
Deputetët e VV-së bllokojnë komisionin parlamentar për llogari të Selajdin Beqës, njeriu me aktakuzë që rrahu kolegun në zyrë
-
Balla pret Wisner: SHBA, mbështetje Shqipërisë në sfidat e sigurisë publike
-
Prokurorët hapin hetim pasi rrjeti hekurudhor francez u godit nga zjarrvëniet
-
Edhe zyrtarisht Lajçak-ut i zgjatet mandati deri më 31 janar 2025