Talenti holandez pritet të transferohet te Milan-i, kuqezinjtë janë afër kërkesës së AZ Alkmaar

Milan-i është edhe më afër transferimit të futbollistit të talentuar holandez, Tijani Rejinders.

Ky i fundit ka një dëshirë të madhe për t’u bashkuar me Milan-in dhe raportohet që ka refuzuar disa oferta nga disa klube të mëdha evropiane.

Klubi i tij, AZ Alkmaar, kërkon 25 milionë euro për ta lënë të lirë mesfushorin e tyre dhe sipas asaj që shkruan gazetari i njohur italian, Fabrizio Romano, Milan-i i ka ofruar 20 milionë euro tarifë fikse plus shtesat.

Tijjani Reijnders is pushing to join AC Milan as club has now submitted new formal proposal to AZ: €20m plus add-ons. 🚨🔴⚫️ #ACMilan

AZ asked for €25m after initial request of €20m fixed fee — Milan, confident to get it done.

Talks underway. pic.twitter.com/FLBXFeMEj6

— Fabrizio Romano (@FabrizioRomano) July 11, 2023

Pra, oferta e kuqezinjve me kërkesën e holandezëve është përafruar shumë dhe tashmë pritet shumë shpejt që transferimi të finalizohet.

Rejinders zhvilloi një sezon shumë të mirë me Alkmaar-in, duke shënuar shtatë gola dhe duke dhuruar 12 asistime në 52 ndeshje në të gjitha garat.

Pozicioni i tij në fushë është identik me atë të Sandro Tonali-t, i cili para pak ditësh u transferua te Newcastle United për 80 milionë euro.

Pra, mesfushori 24-vjeçar pritet të mbërrijë në Milano për ta marrë rolin e Tonali-t.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.