Shefi i Zyrës së Bashkimit Evropian në Kosovës, Tomas Szunyog, të premten ka vizituar Mitrovicën e Veriut, ku ka takuar përfaqësuesit e Qendrës Klinike Spitale dhe të Shkollës “Sveti Sava”, me të cilët ka diskutuar mbi rregulloren e Bankës Qendrore të Kosovës, e cila ndaloi përdorimin e valutës shtetërore serbe, Dinarin, për shit-blerje dhe transaksione financiare në territorin e Kosovës.
“Ky vendim së bashku me çështje të tjera të kahershme kanë prekur seriozisht popullatën serbe të Kosovës dhe komunitetet tjera në mbarë Kosovën dhe pengon ofrimin e shërbimeve bazë”, ka thënë Szunyog, raporton zyra e BE-së në Kosovë.
Çështje të tilla, sipas Szunyog, duhet të adresohen urgjentisht në dialog.
Gjatë qëndrimit në Mitrovicë të Veriut, Szunyog, ka vizituar edhe nënstacionin e Vallaqit dhe selinë e Elektroseverit,
“Faturimi i energjisë elektrike në Veri të Kosovës është një hap i rëndësishëm përpara në procesin e normalizimit”, ka thënë Szunyog.
Ai nga këtu u ka bërë thirrje serbëve që të fillojnë të paguajnë faturat e rrymës.
“U bëj thirrje njerëzve që të regjistrojnë llogaritë e tyre dhe të fillojnë të paguajnë faturat e tyre”, theksoi ambasadori Szunyog.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Serbia s’radhitet në mesin e shteteve që ndërtojnë të ardhmen mbi vlera njerëzore” – kërkohet drejtësi për masakrën në Studime
-
Serbia “vlerëson dhe mbështet” përpjekjet e Lajçakut për Asociacionin
-
Kadrijaj, Vetëvendosjes: S’i ha më kush foret tuaja, jeni hajna dhe do shkoni në burg
-
Bardiqi jep dorëheqje nga Bordi Drejtues i ShSKUK-së
Lajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
‘Kuvendi shkeli ligjin për votën e Diasporës’, Alibeaj: Çështja duhet të shkojë në SPAK
-
Versioni i Trump: Sërish dhunë nëse nuk fitoj? Varet
-
Shqipëria drejt prodhimit të dokumenteve digjitalë të identifikimit
