Shefi i Zyrës së Bashkimit Evropian në Kosovë, Tomas Szunyog, i cili gjatë ditë së enjte e ka vizituar Manastirin e Deçanit ka bërë thirrje Qeverisë së Kosovës që ta zbatojë aktgjykimin e Gjykatës Kushtetuese në lidhje me Manastirin në fjalë.
Sipas tij toleranca dhe respekti i ndërsjellë është çelësi për një shoqëri multietnike dhe demokratike.
“I bëj thirrje Qeverisë së Kosovës që të zbatojë aktgjykimin e Gjykatës Kushtetuese. Të drejtat pronësore të Manastirit duhet të respektohen”, ka shkruar Szunyog në Twitter.
Visited Deçan Monastery/Visoki Dečani 2day. Tolerance & mutual respect are key for a multi-ethnic & democratic society. I call on KS Government to implement CC judgment. The property rights of the Monastery should be respected. pic.twitter.com/PQDMnnV60p
— Ambassador Tomáš Szunyog (@EUAmbKS) November 25, 2021
Gjykata Kushtetuese e Kosovës pesë vite më parë kishte marrë vendim që manastirit të Deçanit t’i njohë pronësinë e 24 hektarëve tokë.
Mirëpo, ky vendim ka hasur në kundërshti me komunën e Deçanit si dhe ka ngjallur protesta të shumta qytetare.
Ndërkaq, edhe Shkodran Imeraj, nënkryetar i Shoqatës së historianëve të Kosovës, këtë vendim të Kushtetueses e kishte kundërshtuar.
“Kuvendi i Serbisë në vitin 1997 ia ka dhuruar këtë tokë manastirit. Pas luftës, në vitin 2002 është nënshkruar një marrëveshje me UNMIK-un. Mbi këtë dokument janë marrë edhe vendime të tjera, ndërsa tani ato konfirmohen nga Gjykata Kushtetuese. Vendimi është në kundërshtim me Planin e Ahtisarit, ndaj duhet të anulohet”, kishte deklaruar ai.
Ndryshe edhe raportuesja për Kosovën në Parlamentin Evropian, Viola von Cramon, gjatë një vizite në Manastirin e Deçanit, kishte deklaruar se Qeveria e Kosovës duhet të implementojë vendimin e Gjykatës Kushtetuese mbi pronën e Manastirit të Deçanit.
“Toleranca dhe respekti i ndërsjellë janë thelbi i një shoqërie shumë-entike”, kishte shkruar ajo në llogarinë e saj në Twitter.
“Trashëgimia e Kishës Ortodokse Serbe në Kosovë duhet të mbrohet dhe të gëzojë të drejta të plota, prandaj i bëj thirrje Qeverisë së Kosovës që ta zbatojë vendimin e Gjykatës Kushtetuese, i cili është vonuar për një kohë të gjatë, sepse sundimi i ligji do të thotë trajtim i barabartë për të gjithë”, ka shkruar më tej.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama: Kallëzimi i pabërë i Bardhit iu shit si sapun për djathë italianëve
-
Petkoviç: Serbia dëshmoi konstruktivitet, por Kosova s’dëshiron zgjidhje
-
Serbia propozoi që strukturat ilegale serbe të financohen deri në krijimin e Asociacionit, thotë Bislimi
-
Sa shpejt mund të ndalohet TikTok teksa Kongresi miratoi projektligjin?
Lajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Serbia propozoi që strukturat ilegale serbe të financohen deri në krijimin e Asociacionit, thotë Bislimi
-
Kush është shefi kur bëhet fjalë për mbrojtjen: NATO apo BE?
-
As në takimin e pestë s’ka marrëveshje për dinarin – Lajçak del me një propozim të ri