Ministri i Punëve të Brendshme dhe Administratës Publike, Xhelal Sveçla, ka deklaruar se tri marrëveshjet e arritura me Shqipërinë, që pëfshijnë dikasterin e tij do ta lehtësojnë jetën e qytetarëve në të dy shtetet.
“Janë marrëveshje të rëndësishme për qytetarët e dy vendeve. E para është kalimi i lehtësuar i kufirit për banorët e brezit kufitar. Brez ky i cili është i gjerë 30 kilometra në Kosovë dhe 30 kilometra në anën e Shqipërisë”, deklaroi Sveçla për agjencinë e lajmeve KosovaPress.
Ai tutje ka sqaruar edhe rëndësinë e marrëveshjes së dytë dhe tretë të arritur mes dy qeverive.
“Marrëveshja e dytë kishte të bënte me leje të qëndrimit për shtetasit e Shqipërisë në Kosovë, për shtetasit e Kosovën në Shqipëri veçse e kanë hequr. Me këtë marrëveshje jo vetëm që lehtësohen por edhe hiqen gjitha procedurat e tanishme të cilat kanë shkaktuar telashe për shtetasit e Shqipërisë në Kosovë”.
“Marrëveshja e tretë ka të bëjë me rikualifikimin e pikës kufitare në Shishtavec, ku nga tipi ‘c’ kalon në tipin ‘b’, kjo nënkupton punë 24 orësh dhe kalim i mallrave dhe shtetasve jo vetëm të kësaj zone edhe vendeve të treta”, thotë ai.
Ministri i Punëve të Brendshme bëri të ditur se grupet punuese janë duke punuar në protokollet e këtyre marrëveshjeve.
“Është çështje ditësh kur ne do të bëjmë dizajnimin e lejes kalimit. Në Shishtavec do të fillojë punën me njëherë dhe çështja e lejeqëndrimit është çështje e kthimit në Prishtinë dhe dhënies direktivave që edhe kjo çështje të rregullohet”.
Duke u përgjigjur mbi kërkesën e kryeministrit të Shqipërisë Edi Rama për largim të tërësishëm të afatit kohor 5-vjeçar për lejeqëndrim, Sveçla thotë se nëse është e nevojshme ky kriter do të largohet në tërësi.
“Ne nuk e kemi problematike fare këtë, edhe në marrëveshje ekziston klauzola që edhe me marrëveshje protokollare mund të ndryshohet. Nëqoftëse shohim të nevojshme dhe si pengesë do të heqin edhe afatin 5-vjeçar”.
“Për ne me rëndësi është që shtetasit e dy vendeve mund të qëndrojnë, studiojnë dhe punojnë pa pengesa”, shton ai.
Për të shtatën herë, Qeveria e Shqipërisë dhe Kosovës kanë vijuare traditën e mbledhjes së përbashkët.
Në qytetin e Elbasanit, në të premten e 26 nëntorit u mbajt takimi mes dy qeverive, asaj të Shqipërisë dhe Kosovës.
Mbledhja e përbashkët përmbushi, në fakt, premisat e takimit të fundit mes dy palëve.
Kishte ardhur momenti për konkretizimin e marrëveshjeve, të cilat nuk duhet të mbeteshin veç nëpër letra – çka u përsërit njëzëri nga dy përfaqësitë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ligjvënësit votojnë kundër dëgjimit të projektligjit të Arizonës, që shfuqizon ndalimin e abortit
-
Joe Biden bën thirrje për trefishimin e tarifave për çelikun kinez
-
United Airlines thotë se incidenti i Boeing i kushtoi 200 milionë dollarë
-
Nestlé shton sheqer në qumështin e foshnjave që shitet në vendet e varfra
Lajmet kryesore
-
Ekskluzive: Hajnia multi-milionëshe e Liburn Aliut dhe Naser Hafizit
-
MPB: 10 pjesëtarë të Policisë së Kosovës janë ndaluar nga Serbia, 5 ende janë në mbajtje
-
Izraeli kishte vendosur të godiste Iranin të hënën, por më pas u tërhoq
-
Shqipëria tashmë jashtë listës së vendeve në monitorim nga KiE, pas 29 vitesh