Ministri i Punëve të Brendshme, Xhelal Sveçla, ka deklaruar se Policia e Kosovës, është e angazhuar seriozisht që të sjell para drejtësisë të dyshuarit që kanë kryer krime lufte.
Kështu është thënë përmes një komunikate pas takimit të ministrit me drejtorin ekzekutiv të Institutit të Krimeve të Kryera gjatë Luftës, Atdhe Hetemi.
“Ministri Sveçla e njoftoi Drejtorin Hetemi mbi angazhimin serioz dhe të suksesshëm të Policisë së Kosovës në sjelljen e të dyshuarve për krime lufte para drejtësisë dhe theksoi përkushtimin për bashkëpunim të ngushtë mes dy institucioneve”, thuhet në komunikatën e Ministrisë së Punëve të Brendshme”, thuhet në komunikatë.
Ai ka konsideruar që instituti që udhëheq Hetemi ndihmon në ruajtjen e kujtesës kolektive.
“Bashkëpunimi ndërinstitucional e veçanërisht mes Drejtorisë për Hetimin e Krimeve të Luftës dhe Institutit të Krimeve të Kryera gjatë Luftës në Kosovë kontribuon në evidentimin e të gjitha dëshmive të krimeve të kryera nga Serbia gjatë luftës në Kosovë dhe ndihmon në sjelljen e të gjithë kryesve para drejtësisë”.
Të shtunën e 17 shkurtit është funksionalizuar Instituti i Krimeve të Kryera Gjatë Luftës në Kosovë.
Kurti ka ftuar të gjithë ata që kanë materiale të mbledhura mbi krimet e ndodhura gjatë luftës t’i dorëzojnë këtij instituti, i cili më pastaj do t’i arkivojë të njëjtat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kristi Noem, zëvendësja e mundshme e Trump: Kam vrarë qenin tim, e urreva, ishte i padisiplinuar
-
Maqedonci takon homologun hungarez, flasin për sulmin në Veri dhe sigurinë në Ballkan
-
Nga Suedia në Mbretërinë e Bashkuar, një valë arrestimesh zbulon praninë e një rrjeti spiunësh kinezë në Evropë
-
Sadaf Baghbani: Kam 150 fishekë në trup, mendova se askush nuk do të më dojë më
