Juventus-i po shikon mundësitë për një transferim të mundshëm të brazilianit, Neymar, nga PSG-ja.
Për sulmuesin nuk është hera e parë që lidhet me bardhezinjtë, por duket se tashmë shanset janë reale, sipas “Sport”.
Trajneri Massimiliano Allegri ka kërkuar përforcime, pasi humbi titullin në Serie A dhe sulmuesi brazilian mund ta forcojë skuadrën.
Klubi francez e ka nxjerrë në shitje Neymar-in, pasi gjërat nuk shkuan siç priteshin në aspektin e fitimt të trofeve.
PSG-ja pagoi 222 milionë euro për ta transferuar nga Barcelona dhe aktualisht ai vlen më pak se gjysma e kësaj shume.
Megjithatë, Juventus-i mund ta marrë në huazim brazilianin. Por problemi madhor mbetet paga tepër e lartë, rreth 30 milionë euro, që për Juventus-in do të ishte e papërballueshme.
“Zonja e Vjetër” gjithashtu është e lidhur dhe me disa emra të tjerë të mëdhenj në këtë merkato, si: Paul Pogba, Angel di Maria, madje dhe Cristiano Ronaldo.
Ky i fundit thuhet se është propozuar për një rikthim të mundshëm nga agjenti i tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
