Mbrojtësi i Juventus-it, Leonardo Bonucci, është dënuar me 10 mijë euro gjobë për shkak të zënkës që pati me sekretarin e Inter-it, Cristiano Mozzillo-n.
Në minutën e 121 të takimit mes Inter-it dhe Juventus-it, në Superkupën e Italisë, ku zikaltrit shënuan për 2-1, pati një incident mes Bonucci-t dhe Mozzillo-s.
Mbrojtësi po bëhej gati për të hyrë në fushë, pasi ndeshja po shkonte drejt penalltive. Por, goli i Alexis Sanchez-it prishi gjithçka.
Në këtë moment, Mozzillo i drejtohet Bonucci-t, duke i thënë “Jepi, futu tani” dhe feston para tij.
Nga ana tjetër, mbrojtësi i është kthyer duke i thënë ““mos gëzo para fytyrës time, çfarë po ben? Do të të vras”. Si dhe e ka goditur me grusht dhe e ka shtyre.
Gjyqtari sportiv, Gerardo Mastrandrea, e dënoi me 10 mijë euro gjobë mbrojtësin e Juventus-it për këtë gjest dhe me 5 mijë euro Inter-in. Këta të fundit me arsyetimin e “mosparandalimit të hyrjes në dhomat e zhveshjes së një zyrtari të paautorizuar”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohet ndarja e tribunave për dy finalet, Partizani – Egnatia dhe Skënderbeu – Vllaznia
-
“Isha më i mirë, fitoren ia dhanë për shkak të Ukrainës”, Fury pasi u mposht nga Usyku
-
Apolonia fiton Kupën e Shqipërisë për vajza
-
Bundesliga mbyll sezonin, por sytë mbeten ende nga finalja e Champions League
