Vllaznia do të ketë një përballje të lehtë në letër në “Loro Boriçi”, përballë Skënderbeut. Sfida do të luhet për javën e 13 në Abissnet Superiore dhe do të fillojë nga ora 16:45.
Shkodranët renditen të tretët në kampionat me 20 pikë dhe kërkojnë të ngushtojnë diferencat me vendin e parë që mbahet nga Tirana.
Korçarët renditen të parafundit me 11 pikë. Të besuarit e Migen Memellit janë në kërkim të fitores së parë në transfertë.
Në gjashtë sfidat e luajtura në shtëpi këtë sezon, kuqeblutë kanë arritur katër fitore, një barazim dhe një humbje. Në krahun tjetër, korçarët në transfertë numërojnë dy barazime dhe katër humbje.
Në katër sfidat e fundit në kampionat, Vllaznia ka arritur tre fitore dhe një barazim. Skënderbeu numëron një fitore, dy barazime dhe një humbje.
Përballja e fundit mes dy skuadrave, e luajtur gjatë fazës së parë të kampionatit përfundoi në barazim 0-0. Shkodranët e mbyllnin ndeshjen me 10 lojtarë, pas daljes me karton të kuq të Mevlan Adilit në minutën e 46.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Me mbi 75% e votave të numëruara “Fronti Evropian” ka 20 mijë vota më shumë se “VLEN”
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
Kasami: Nga nesër mund të shpallim koalicionin e ndryshimit me VMRO-DPMNE