Teuta, Vllaznia, Kastrioti dhe Egnatia zyrtarizojnë afrimet dhe largimet e para në merkato

Ashtu si në gjithë ligat e futbollit të Evropës, edhe në Abissnet Superioren e Shqipërisë është hapur merkato e dimrit.

Katër skuadra, Teuta, Vllaznia, Kastrioti dhe Egnatia kanë zyrtarizuar largimet dhe afrimet e para për merkaton e janarit.

Vllaznia

Klubi shkodran deri më tani ka konfirmuar vetëm një lëvizje në merkato.

26-vjeçari Arlind Kalaja është larguar nga “Loro Boriçi”.

Teuta

Portieri Bobi Celeski dhe sulmuesi Pepi Gorgiev-i janë dy largimet e para te durrsakët.

Ndërsa, në sulm është rikthyer një ish, Rubin Hebaj, që së fundmi u aktivizua te Shkëndija e Tetovës në Maqedoninë e Veriut.

Kastrioti

Te krutanët ka vetëm një largim. Mbrojtësi 21-vjeçar, Endri Reçi ka mbyllur bashkëpunimin me Kastriotin.

Egnatia

Rrogozhinasit janë skuadra me më shumë largime deri më tani në Superiore. Remi Djuardin-i, Arber Çyrbja, Mario Teqja, Glejdi Ndraxhi, Uros Djuric-i, Arsenio Valport-i dhe Criss Gadi janë të larguarit.

Ndërsa ka pasur vetëm një transferim në hyrje. Portieri 24-vjeçar, Klevis Hasanbelli, u rikthye në skuadër pas gjashtë muajsh aktivizim te Pogradeci.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.