Sulmohen fizikisht katër shqiptarë në Veri

Katër shqiptarë kanë raportuar në Mitrovicë të Veriut se janë sulmuar fizikisht nga persona të panjohur në sheshin “Car Lllazar”, më 28 nëntor.

Lajmi është bërë i ditur përmes raportit të Policisë së Kosovës.

“Sheshi ‘Car Llazar’, Mitrovicë – Veri 28.11.2022-16:40. Katër viktimat meshkuj kosovar kanë raportuar se janë sulmuar fizikisht nga persona të panjohur. Dy nga viktimat kanë pranuar tretman mjekësor. Rasti është duke u hetuar nga njësitet kompetente policore”, thuhet në njoftimin e Policisë.

Ndryshe, në Veri të Kosovës më herët ishte raportuar edhe për incidente të tjera.

Rastet e fundit kishin qenë për djegeje të veturave disa me targa RKS e disa me targa KM.

Edhe pas rasteve të shumta të ngjashme akoma nuk është arrestuar asnjë person për këto incidente.

Rasti i fundit ka qenë më 22 nëntor, lajmin për Albanian Post e kishte konfirmuar drejtori i Policisë për rajonin e Mitrovicës së Veriut, Besim Hoti.

“Rasti ka ndodhur diku rreth orës 02:00 deri në 05:00 të mëngjesit. Vetura është me targa të Republikës së Serbisë dhe jemi duke zhvilluar hetimet për rastin”, kishte thënë Hoti për AP.

Edhe mediumi serb Kossev ksihte raportuar se pronari i veturës me inicialet N.M e ka konfirmuar se i është djegur vetura.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.