Ministrja e Infrastruktures dhe Energjitikës, Belinda Balluku, bashkë me Drejtorin e Përgjithshëm të Policisë, si dhe Drejtorin e Autoritetit Rrugor Shqiptar, në orët e para të mëngjesit të së hënës, kanë inspektuar aksin Tiranë- Qafë Thanë.
Ky aks ka mbetur i bllokuar nga stuhia e dendur e dëborës.
Sipas Ballukut, institucionet përgjegjëse po punojnë për ta hapur atë.
“Në orët e para të mëngjesit do të mund të hapet kalimi që vjen nga pika kufitare e Qafë Thanës”, deklaroi ajo.
Gjithashtu njoftohet që është ndaluar dhe kalimi i mjeteve të rënda deri të hënën në orën 8 të mëngjesit.
Ministrja iu ka kërkuar qytetarëve të perdorin zinxhir apo goma dimërore për qarkullimin në aksin Tiranë-Qafë Thanë.
“Ju bëjmë thirrje qytetarëve, të evitojnë lëvizjet e panevojshme dhe të ndjekin udhëzimet e autoriteteve gjatë qarkullimit”, njofton Balluku.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
