Edhe pse Bajram, banorët e fshatit Studime të Vushtrrisë, nuk e ndjejnë festën.

Këtë të hënë ata u mblodhën për të përkujtuar mbi 100 persona, familjarë e bashkëfshatarë të tyre, të cilët u vranë e masakruan mizorisht nga forcat serbe, 23 vite më parë.

Kryetari i komunës së Vushtrisë, Ferit Idrizi, ka hapur i pari ceremoninë e përkujtimit duke rikujtuar që në këtë masakër serbët nuk kursyen as fëmijët e as pleqtë.

Ferit Idrizi, Kryetar i Komunës së Vushtrisë

“Prandaj kjo listë e gjatë në këtë pjesë ku jemi shënon themelimin e Kosovës, vetë prezenca e juaj, e institucioneve të Kosovës, në këtë ditë feste që ka rastisur të jetë edhe ditë përkujtimi, tregon edhe më shumë respektin ndaj martirëve”, tha Idrizi.

“Por, për të gjitha këto viktima që u vranë në mënyrën më mizore, drejtësia akoma nuk është vendosur”, ka vazhduar më tej Idrizi.

“Falë këtij gjaku të derdhur për liri ne jemi këtu të lirë. Prandaj, të jemi të bashkuar me të gjitha institucionet e Kosovës”.

Kryeministri, Albin Kurti, kujtoi masakrën e Studimes nga dëbimi i qytetarëve në prill të vitit 1999.

“Forcat paramilatare serbe nisën t’i digjnin fshatrat ditën e dikur në mbrëmje filluan me vrasjen e civilëve”.

Nga Studimja, Kurti kërkoi drejtësi për të rënët duke përmendur luftëtarët e UÇK-së, të cilët padrejtësisht po mbahen nëpër burgje.

“Ajo që rëndon edhe më tepër është se edhe 23 vite pas lufte nuk ka ende asnjë vendim nga gjykata. Vetëm heshtje. Në anën tjetër luftëtarët e Ushtrisë Çlirimtare të Kosovës po mbahen në burg”, tha Kurti duke potencuar faktin që në këtë përkujtim ka ardhur bashkë me Kryetarin e PDK-së, Memli Krasniqin.

“Në momente si kjo ne duhet të bëhemi bashkë, prandaj këtu jam unë dhe është edhe kryetari i PDK-se Memli Krasniqi”.

Në fund, kryeministri u uroi Fitër Bajramin të pranishmëve dhe lavdi të rënëve të kësaj masakre.

Me të marrë fjalën kryetari i PDK-së, Memli Krasniqi, tha se më me dëshirë do ta kishte që këtë ditë të uronte sesa të përkujtonte viktimat e rëna në Studime.

“Do të ishte dëshira e secilit prej nesh sot në këtë ditë të Bajramit të madh për të uruar njëri tjetrit, por ja që jemi këtu për të shënuar humbjen e 116 personave të masakrës ku nuk u kursyen as gra as fëmijë e as pleq”.

“Për kundër se vitet po kalojnë dhimbja po bëhet më e fuqishme. Si institucione nuk kemi arritur që të kryejmë obligimin ndaj martirëve, si klasë politike e kemi për obligim t’i sjellim të gjithë ata kriminelë para drejtësisë”.

Krasniqi ka vazhduar fjalimin duke thënë se kushdo që ka dyshime për atë që u bë në Kosovë në vitit 1999 duhet ta vizitojë këtë fshat.

“Le të vijnë këtu në Studime dhe të shohin krimet që kanë ndodhur në Kosovë”.

“Çmimi i kësaj lirie padyshim që ka qenë një çmim jashtëzakonisht i madh. Lavdi e përjetshmëri martirëve të Studimes, i përjetshëm qoftë kujtimi për të gjithë ata”, përfundoi Krasniqi.

Flasin për Albanian Post nga Byroja Ndërkombëtare e Ekspozitave: Kosova – megjithatë – nuk është anëtare aktive

Të fundit

Aktuale

Studimja në mes të festës dhe përkujtimit

Altina Marmullaku

Të fundit

Aktuale

Rusia ka vendosur të sulmojë Moldavinë, sipas ‘The Times’

Të fundit

Aktuale