Kryetari i Partisë Demokratike të Kosovës, Memli Krasniqi, ka potencuar se partia të cilën ai e drejton do të hyjë në zgjedhjet parlamentare të 9 shkurtit me qëllim për t’i fituar ato.
“Për të marr besimin qytetar, për të dal e para dhe normalisht pas asaj nëse ka hapësirë për të diskutuar me partitë që janë të përafërta me bindjet tona politike programore, ideologjike dhe me programin që do ta bart [Bedri] Hamza”, ka thënë ai në një intervistë për Ekonomia Online.
Krasniqi gjatë intervistës ka potencuar se PDK-ja nuk preferon të ketë çfarëdolloj bashkëpunimi me partinë në pushtet, Lëvizjen Vetëvendosje.
“Sepse hendeku mes nesh i të kaluarës, por edhe i tashmes është shumë i madh dhe nuk do të funksiononte një marrëveshje e tillë. Andaj fokusi jonë është qytetari, do të mundohemi që të marrim besimin e tyre, është verdikti i tyre ai që në fund vendos se kush duhet të qeverisë”.
PDK, sipas Krasniqit, nuk ka vija të kuqe me asnjë parti meqë në vlerësimin e tij “kur i thua dikujt kam vija të kuqe ndaj teje, ti e ofendon edhe i përjashton votuesin e tij”.
Krasniqi është shprehur i bindur që PDK-ja do të jetë ajo që do të krijojë shumicën shqiptare dhe shumicën parlamentare.
“Me respekt për komunitetet minoritare që do ta udhëheqin vendin pas 9 shkurtit 2025”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lista Serbe kërkon nga SHBA-të një përfshirje më të madhe në mbrojtjen e të drejtave të serbëve
-
Gjykimi ndaj ish-krerëve të UÇK-së – Prokuroria pritet të përfundojë me dëshmitarët në prillin e vitit të ardhshëm
-
S’preferojmë të bashkëpunojmë me LVV-në, PDK-ja do t’i fitojë zgjedhjet, thotë Krasniqi
-
Ekonomia e Kosovës në “moment kritik” – rritja ekonomike, iluzion i inflacionit
Lajmet kryesore
-
Dita Ndërkombëtare e Paqes, Begaj: Konfliktet, rrezik serioz për sigurinë
-
Pushime nën “ethet e Nilit”
-
Lindja e Mesme: Konflikti ka shpërthyer, por një luftë totale nuk është në interesin e askujt
-
Gjykimi ndaj ish-krerëve të UÇK-së – Prokuroria pritet të përfundojë me dëshmitarët në prillin e vitit të ardhshëm