Platforma e transmetimit muzikor “Spotify” ka deklaruar se do të fshijë muzikën e kantautorit të njohur Neil Young, pas deklaratës së tij se nuk do ta ndante platformën me Joe Rogan, i cili është kritikuar për përhapjen e dezinformatave mbi vaksinimin.
Një zëdhënës i “Spotify”-t, deklaroi se kompania ra dakord të hiqte punën e Young-it, megjithëse ishte ende e aksesueshme për përdoruesit.
“Synojmë që e gjithë përmbajtja muzikore dhe audio në botë të jetë e disponueshme për përdoruesit e Spotify-t”, tha shërbimi i transmetimit.
“Me këtë vjen një përgjegjësi e madhe në balancimin e sigurisë për dëgjuesit dhe lirinë për krijuesit. Ne kemi vendosur politika të detajuara të përmbajtjes dhe kemi hequr mbi 20 mijë episode të podkasteve në lidhje me COVID-19 që nga fillimi i pandemisë”, theksuan ata.
“Me rreth 11 milionë dëgjues për episod, JRE, i cili organizohet ekskluzivisht në Spotify, ka ndikim të jashtëzakonshëm. Spotify ka përgjegjësinë për të zbutur përhapjen e dezinformatave në platformën e saj”, tha Young.
Rogan, i njohur për pikëpamjet e tij të kundërta dhe shpesh të pabaza mbi mjekësinë, është përballur me reagime të përhapura për të vënë në dyshim sigurinë e vaksinave gjatë pandemisë.
Ai nënshkroi një marrëveshje me Spotify në 2020, nga e cila do të fitonte më shumë se 100 milionë dollarë, në varësi të performancës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Princi William viziton një shkollë angleze me qëllim të trajtimit të stigmës ndaj shëndetit mendor
-
Mësueset e shkollës fillore të Taylor Swift e kujtojnë atë si një “nxënëse që e kishte yllin në ballë”
-
Sean ‘Diddy’ Combs i përgjigjet akuzuesit Rodney Jones duke zbuluar problemet e tij ligjore të së kaluarës
-
Rebel Wilson pretendon se një anëtar i familjes mbretërore fshihet pas organizimit të festave të shfrenuara me orgji dhe drogë
