Soros: Pushtimi rus i Ukrainës, fillimi i Luftës së Tretë Botërore

Financieri miliarder George Soros, tha të martën se pushtimi rus i Ukrainës mund të ishte fillimi i Luftës së Tretë Botërore.

Kështu ai theksoi se mënyra më e mirë për të ruajtur qytetërimin e lirë ishte që Perëndimi të mundte forcat e presidentit Vladimir Putin.

Soros, 91 vjeç, një menaxher legjendar, i cili fitoi famë duke vënë baste kundër paundit në 1992, e cilësoi luftën në Ukrainë si pjesë e një lufte më të gjerë midis shoqërive të hapura dhe shoqërive të mbyllura si Kina dhe Rusia – që ishin në rritje.

“Pushtimi mund të ketë qenë fillimi i Luftës së Tretë Botërore dhe qytetërimi ynë mund të mos i mbijetojë asaj”, tha Soros në Forumin e Ekonomisë Davos.

Ai u shpreh se Putini, i cili thotë se “operacioni special” në Ukrainë do të planifikojë dhe do të arrijë të gjitha qëllimet e Kremlinit, tani besonte se pushtimi ishte një gabim dhe po përgatitej të negocionte një armëpushim.

“Por armëpushimi është i paarritshëm sepse atij nuk mund t’i besohet”, tha Soros.

Ai shtoi se “sa më i dobët Putini bëhet, aq më i paparashikueshëm është”.

Soros tha se Bashkimi Evropian duhet të kuptojë se Putini mund të mbyllë gazin natyror rus, i cili aktualisht përbën rreth 40% të nevojave të Evropës.

Pushtimi rus i Ukrainës më 24 shkurt ka vrarë mijëra njerëz, ka zhvendosur miliona të tjerë dhe ka ngritur frikën për konfrontimin më serioz midis Rusisë dhe Shteteve të Bashkuara që nga kriza e raketave Kubane e vitit 1962.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.