Shefja e agjencisë më të madhe japoneze të talenteve të muzikës pop ka dhënë dorëheqjen.
Më në fund ajo ka pranuar abuzimin seksual të kryer nga themeluesi i ndjerë i agjencisë, Johnny Kitagawa.
Julie Fujishima ka dhënë dorëheqjen nga Johnny and Associates gjatë një falje publike për viktimat e xhaxhait të saj.
Sakaq, largimi i saj vjen një javë pasi hetuesit zbuluan se Kitagawa kishte abuzuar “gjerësisht” me anëtarët e rinj në agjencinë e tij gjatë një karriere prej gjashtë dekadash.
Ai vdiq në vitin 2019, duke e mohuar gjithmonë keqbërjen. Ai nuk u përball kurrë me akuza.
Mbesa e tij dhe shefja ekzekutive në largim tanimë ka pranuar abuzimin për herë të parë.
“Si vetë agjencia dhe unë vetë si person e kuptojmë se ka ndodhur abuzimi seksual nga Johnny Kitagawa”.
“I kërkoj falje viktimave nga thellësia e zemrës”.
Kitagawa ishte padyshim figura më me ndikim në industrinë e argëtimit të Japonisë.
Agjencia e tij ka mbajtur thuajse monopolin në grupet japoneze të djemve për dekada.
Thashethemet dhe disa raportime mediatike për abuzimin e tij ishin të njohura prej vitesh, por nuk u mor asnjë masë konkrete.
Për dekada, shumica e mediave kryesore japoneze nuk i mbuluan akuzat, duke nxitur akuza për një mbulim të industrisë.
Në fillim të këtij viti, një dokumentar i BBC-së për abuzimin e Kitagawa-s u transmetua, duke ndezur diskutime në të gjithë Japoninë dhe duke bërë thirrje për një hetim të plotë.
Kjo bëri që më shumë viktima të paraqiteshin, duke përfshirë yllin e J-pop Kauan Okamato, i cili ka treguar se ishte abuzuar seksualisht nga Kitagawa që në moshën 15-vjeçare.
Në raportin përfundimtar nga hetuesit e pavarur javën e kaluar, ata kanë thënë se menaxhimi i familjes në agjenci kishte bërë që abuzimi të vazhdonte për dekada dhe se Fujishima – një drejtuese për një kohë të gjatë në kompani – nuk arriti të hetonte akuzat pavarësisht njohurive të saj për to.
Në maj, ajo kishte shprehur keqardhjen që ishte prekur nga “anormaliteti” i funksionimit të agjencisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit