Chelsea është gjithnjë e më i bindur se Thiago Silva do të nënshkruajë një kontratë të re njëvjeçare deri në vitin 2024, sipas medias amerikane, ESPN.
Marrëveshja ekzistuese e mbrojtësit skadon në fund të sezonit, por ka një dëshirë nga të gjitha palët për të zgjatur qëndrimin e tij, i cili filloi në verën e vitit 2020 pas një transferimi të lirë nga Paris Saint-Germain.
Bisedimet thuhet se janë pozitive, dhe një marrëveshje është afër arritjes për brazilianin që të vazhdojë në Stamford Bridge.
Edhe pse Chelsea ka ndjekur një politikë të nënshkrimit të lojtarëve më të rinj me kontrata afatgjata, përvoja e Silvës shihet si një komponent jetik i zhvillimit të skuadrës nën drejtimin e trajnerit Graham Potter.
Kujtojmë se Thiago Silva fitoi Ligën e Kampionëve në vitin 2021, në krye me trajnerin Thomas Tuchel.
Chelsea po kalojnë një sezon të dobët për shkak të lëndimeve të shumta, por me rikthimin e të gjithë lojtarëve kryesorë, ata mund të jenë një ekip mjaft problematik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
