Mbrëmjen e së enjtes, ka përfunduar faza e grupeve në Ligën e Evropës, ku pas kësaj, tani do të zhvillohet faza me eliminim direkt.
16 skuadra kanë avancuar tutje për fazën tjetër të kësaj gare, kurse edhe tetë të tjera janë bashkuar nga Liga e Kampionëve.
Në vendet e para të Europa Leauge, janë kualifikuar skuadrat: Lyon, Monaco, Spartak Moskow, Eintracht Frankfurt, Galatasaray, Crvena Zvezda, Bayer Leverkusen e West Ham.
Group winners! 🥳
ℹ️ All 8 teams progress to the round of 16 which takes place in March 2022 #UEL pic.twitter.com/IifvEIKmGN
— UEFA Europa League (@EuropaLeague) December 9, 2021
Mirëpo, këto klube nuk do të kenë punë menjëherë, për të zhvilluar ndeshjet e tyre eliminuese, pasi që ndeshjet e radhës, ato do t’i luajnë në mars të vitit të ardhshëm.
Kjo pasi që me formatin e ri të garave të UEFA-s, tetë ekipet që përfundojnë në vendet e dyta të grupeve në Ligën e Evropës, do të përballen fillimisht në raundin e 1/16-ve të finales së kësaj gare me skuadrat që përfunduan në vendet e treta të grupeve në Ligën e Kampionëve.
Pra, do të zhvillohen tetë takime në formë ‘play-off’-i mes skuadrave të Ligës së Evropës dhe Ligës së Kampionëve, e më pas tetë ekipet fituese do të vazhdojnë garën me ekipet e vendeve të para në grupet e Ligës së Evropës.
Këto 16 ekipe do të mësojnë kundërshtarët me short, i cili do të tërhiqet të hënën në ora 13:00 në Nyon të Zvicrës, së bashku me shortin e Ligës së Kampionëve dhe të Ligës së Konferencës.
Skuadrat që u kualifikuan nga vendet e treta të Ligës së Kampionëve janë: Atalanta, Barcelona, Dortmund, Leipzig, Porto, Sevilla, Sherif dhe Zenit.
Ndërsa në vendet e dyta në Ligën e Evropës përfunduan ekipet: Betis, Braga, Dinamo Zagreb, Lazio, Napoli, Olympiacos, Rangers dhe Real Sociedad.
✅ Knockout round play-off teams confirmed! #UEL pic.twitter.com/NbJEx2GwcO
— UEFA Europa League (@EuropaLeague) December 9, 2021
Kujtojmë që ekipet nga Liga e Evropës do të vendosen në vazon e parë, të cilat do të përballen me ekipet e vendit të tretë nga Liga e Kampionëve, që janë të vendosura në vazon e dytë.
Kjo fazë e ‘play-off’-it do të zhvillohet me dy ndeshje (vajtje – ardhje), në të cilat takime, nuk mund të përballen ekipet që janë nga i njëjti shtet.
Kujtojmë që ndeshjet e para të kësaj faze do të zhvillohen më 17 shkurt të vitit të ardhshëm, ndërsa ato të kthimit do të luhen një javë më vonë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
