Familja

Si të silleni pas një zënke me partnerin?


Pavarësisht nëse bëhet fjalë për një zënkë të momentit apo një konflikt të vjetër, këto të fundit duket se ose e forcojnë një lidhje ose e ‘krisin’ atë!

Në një fazë të tillë, zënke apo tensioni, njerëzit janë të prirur të thonë fjalë që nuk i mendojnë. Por sado çliruese të jetë për momentin, asnjëherë nuk duhet të thuash gjithçka ke në mendjen tënde.

Ekspertët pohojnë se komunikimi është çelësi i të gjitha marrëdhënieve. Por mënyra e të thënët të gjërave është po aq e rëndësishme.

Ndaj ne, ju japim disa këshilla, si duhet të silleni pas një zënke, në mënyrë që të mos e thelloni më shumë debatin!

 

Së pari qetësohuni.

Nëse nuk mund të qetësoni sistemin tuaj nervor, nuk do të jeni në gjendje të zgjidhni në mënyrë efektive asnjë çështje ose konflikt që mund të keni.

Reflektoni me veten.

Pranoni ndjenjat tuaja dhe mos u përpiqni të fshihni as zemërimin, as zhgënjimin apo çfarëdolloj ndjenje tjetër negative. Çdo pasiguri e juaja ndikon në një mënyrë apo në një tjetër në lidhjen tuaj, ndaj të pandikuar nga askush merrni kohë të kuptoni si ndiheni në të vërtetë e më pas të flisni me partnerin.

Mendoni fraza që potencialisht kanë përkeqësuar zënkën.

Bëni mirë që këto fraza t’i thoni sa më rrallë (për të mos thënë fare) gjatë komunikimit në çift.

Jini të sinqertë në momentin që do të flisni përsëri.

Kur të jeni gati të bisedoni përsëri me partnerin tuaj, mos harroni të përdorni më shumë “UNË” në vend të “TI”.  Shpesh njerëzit para se t’ia drejtojnë gishtin vetes, ia drejtojnë tjetrit. Para se të dilni në përfundime, analizoni të gjitha ‘gabimet’ tuaja e më pas shpërtheni në ankesa.

Albanianpost.com


Lajmet kryesore