Stil

Si të pozoni: Disa mënyra të thjeshta për t’u dukur më mirë në foto


Ilustrim

Fotografia mund të jetë stresuese për shumë prej nesh. Ndonjëherë mund t’ju duket lehtësisht se të gjithë janë të relaksuar dhe të buzëqeshur në fotot e postuara në rrjetet sociale, ndërsa ju dukeni konfuze dhe jonatyrale në foto.

Modelet e njohura si Emily DiDonato pranojnë se edhe profesionistët shpesh nuk dinë çfarë të bëjnë me duart e tyre, ku të shikojnë, kur të qeshin – por edhe të kenë disa truke që mund të jenë të dobishme kur jemi para kamerës.

Vendos duart në bel dhe mos qëndroni me duart pranë trupit

Vendosni njërën ose të dyja duart në belin tuaj. Kjo do t’ju ndihmojë të ngushtoni vizualisht dhe të theksoni belin tuaj.

Relaksohuni, drejtohuni dhe merrni një pozë, mos ngrini supet

Mblidhni supet prapa dhe do të duket se keni më shumë vetëbesim. Kjo pozë do të zgjasë në mënyrë natyrale edhe qafën tuaj.

Mos pozoni me këmbë të hapura

Pozicioni i këmbëve do të ndikojë pa dyshim në pamjen tuaj. Këmbët duhet të afrohen për të zgjatur dhe ngushtuar figurën. Ju mund t’i vendosni këmbët pranë njëra-tjetrës ose në mënyrë tërthore.

Kushtojini vëmendje ndriçimit

Mos bëni fotografi në dritë shumë të ndritshme ose në një dritë që vjen nga poshtë.

Mund të keni grimin dhe veshjet më të mira, por nëse ndriçimi është i keq, fotot mund të mos dalin mirë. Shmangni hapësirat me ndriçim nga lart që do të krijojnë hije të thella (kjo përfshin diellin e pasdites), si dhe dritën e qirinjve që vjen nga poshtë (përveç nëse jeni duke xhiruar një film horror). Dritat fluoreshente mund t’ju bëjnë të dukeni të panatyrshëm. Fotot tuaja do të duken më mirë nëse i drejtoheni një burimi drite natyrale, veçanërisht në lindjen dhe perëndim të diellit.

Bëni foto të panumërta

Edhe pse duket se të gjitha modelet gjithmonë arrijnë të bëjnë një foto perfekte në një sekondë, është e vërtetë që pas një fotografie perfektë qëndrojnë foto të panumërta. Prandaj modelet rekomandojnë shkrepjen e shumë kornizave në sekondë, nga të cilat mund të zgjidhni me kujdes foton përfundimtare.

/Albanianpost.com


Lajmet kryesore