Udhëtimi me fëmijën adoleshent mund të jetë një nga vendimet më të mira që prindërit kanë marrë ndonjëherë.
Vitet e adoleshencës shpesh janë të vështira nga ana shoqërore dhe emocionale. Fëmijët mund të fillojnë të ndjehen sikur shkolla e tyre është e gjithë bota, se problemet sociale dhe roli që kanë tani do t’i përcaktojë ata për jetën.
Marrja e tyre në një mjedis të ri i ndihmon ata të shohin se si bota është plot mundësi dhe mënyra të ndryshme të jetuarit. Kjo është gjithashtu një mënyrë për të thelluar lidhjen tuaj me fëmijën.
Ndërtimi i një marrëdhënieje solide në vitet e hershme të adoleshencës krijon një themel të shëndetshëm për vitet e lëkundura që ata i kanë përpara. Nëse doni të filloni këtë traditë udhëtimi me familjen tuaj, këtu janë disa këshilla për t’ju filluar:
Vendosni parametrat, veçanërisht në lidhje me gjatësinë e udhëtimit dhe koston e tij. Udhëtimet ndërkombëtare janë të mrekullueshme, nëse keni mundësi. Por qëllimi i vërtet është t’u tregoni fëmijëve më shumë nga bota reale, jo muze e pamje.
Mund të jetë një fundjavë në një qytet disa orë larg. Mund të konsideroni edhe një udhëtim vullnetar ose një mision, ku ju ndihmoni njerëzit të shërohen nga një katastrofë natyrore ose të bëjnë një projekt në një zonë të pa favorizuar.
Ju vendosni kornizën bazuar në çfarëdo që është reale për ju. Ka shumë ide, për udhëtime me adoleshentë, në rastin ideal, prindi më pak i lidhur duhet të shkojë.
Shpesh një fëmijë ka një marrëdhënie më të fortë me njërin prind, për shkak të temperamentit ose interesave të përbashkëta dhe më pak lidhje me tjetrin. Adoleshentët përfitojnë nga marrëdhënia e mirë me të dy prindërit. Udhëtimi është një shans për të barazuar gjërat pak.
Zgjidhni një vend të ri për të dy.
Qëllimi nuk është të dërgoni fëmijën tuaj në një vend që tashmë e njihni, por të eksploroni së bashku, në baza pak a shumë të barabarta. Mos shkoni në një vendpushim. Kjo nuk është koha për të shkuar në Disney World, një plazh në Karaibe, ose një vend skijimi. Ajo që ju dëshironi është diçka e vërtetë, diku ku njerëzit jetojnë zakonshëm.
Kjo është veçanërisht e rëndësishme nëse jetoni në një zonë, ku shumica e asaj që fëmija juaj sheh janë njerëz “të suksesshëm” me shtëpi të bukura. Duhet t’u tregoni se ka mënyra të ndryshme për të jetuar një jetë të mirë.
Gëzoni së bashku procesin e planifikimit.
Vendosja e fëmijës suaj në shumë planifikime është një përvojë e madhe e të mësuarit, një hyrje në disa nga realitetet e jetës së të rriturve, përfshirë shkëmbimet financiare, planifikimin e rrugës, leximin e hartës, si dhe procesin e rezervimit të biletave. Këto zhvillojnë të gjitha aftësitë që fëmija juaj ndoshta nuk i ka praktikuar më parë.
Ndërtoni interesat e fëmijës suaj.
Nëse keni mundësi, filloni me një vendndodhje që lidhet me diçka për të cilën fëmija juaj është i apasionuar. Pjesa kryesore e udhëtimit mund të jetë një koncert, një ngjarje sportive, një destinacion në natyrë ose kudo që fëmija është kurioz të shkoj.
Nga kjo bërthamë, mund të krijoni një udhëtim. Kudo që të shkoni, madje edhe qytete të vogla dhe zona rurale, ka vende interesante dhe të papritura për t’u zbuluar.
Vendosni parametrat në lidhje me përdorimin e pajisjeve.
Udhëtimi ka të bëjë me lidhjen me njëri-tjetrin dhe vëzhgimin e botës së gjerë. Kjo do të thotë që asnjëri prej jush nuk duhet të shikojë telefonin tuaj gjatë gjithë kohës.
Si pjesë e procesit të planifikimit, bini dakord që pajisjet (veçanërisht rrjetet sociale) do të përdoren vetëm në kohë të caktuara të ditës, mbase një gjysmë ore në mëngjes dhe një orë në mbrëmje. Fëmijës suaj mund të mos i pëlqej në fillim, por ka gjasa të gëzojë pushimin nga mediat sociale sapo të vendoset në këtë rutinë.
Praktikoni negocimin
Pjesa më e madhe e udhëtimit do të përqendrohet në interesat e fëmijës suaj, por përvoja është për të dy ju. Nëse fëmija juaj mund të shohë diçka që i intereson, ai ose ajo mund të jetë me mendje të hapur për të bërë diçka që dëshironi të shihni ose të bëni.
Dhënia dhe marrja e gjithë kësaj mëson aftësi të vlefshme për të dëgjuar dhe negociuar, përveç kësaj ndihmon fëmijën, t’ju shohë si një person aktual me të cilin ai mund të bisedoj e jo vetëm si një prind.
/Albanianpost.com
