Si duken dyshja Daft Punk pa helmetat e tyre? Albanian Post ju sjell imazhet e rralla

Dyshja franceze Guy-Manuel de Homem-Christo dhe Thomas Bangalter, për publikun të njohur si Daft Punk, i kanë dhënë fund bashkëpunimit pas 28 vitesh në skenë.

Por, përpos muzikës kualitative që kanë sjellur vazhdimisht në treg, ata kanë qenë të famshëm për paraqitjet e tyre misterioze me helmeta në kokën e tyre.

Grupit ,Daft Punk, nuk ju ka pëlqyer asnjëherë që të fotografohen. Në fytyrën e tyre ata gjithmonë kanë vendosur pëlhura të zeza dhe helmeta, kurdo që kanë pasur intervista apo paraqitje për publikun, njejtë siç vepruan edhe tek video klipi i këngës “I feel it comming” të këngëtarit The Weeknd.

Sipas anëtarit të grupit , Thomas Bangalter, në një intervistë të dhënë kohë më parë, ai është shprehur:

“Ne jemi duke u përpjekur të ndajmë jetën tonë private nga ajo publike”, shkruan Cosmopolitan, transmeton Albanian Post.

Duft Punk nuk kanë dashur të përjetojnë ndjenjën e të pasurit komplekse duke qenë në fokus të njerëzve sa herë qe ata shfaqen në publik, dukuri me të cilën përballen po thuajse të gjithë yjet me famë botërore në industrinë e muzikës apo artit në përgjithësi.

“Ne nuk duam ta ekzagjerojmë faktin e të qënurit “yje të muzikës”. Nuk duam të njihemi në rrugë. Deri më tani të gjithë na kanë pranuar duke përdorur maska në foto e skenë, gjë që na bën të lumtur” kanë thënë Daft Punk.

Tutje, ata janë shprehur se ndonjëherë ndihen keq për faktin se njerëzit mund të mos kenë ide se si ata duken, por kjo është mënyra e vetme se si dyshja franceze ka arritur të funksionojë në muzikë.

Sigurisht, ka disa fotografi që tregojnë fytyrat e Daft Punk, por ato janë shumë të rralla dhe janë bërë kohë më parë.

Albanian Post ju sjell disa fotografi të rralla ku Daft Punk shihen pa helmetat e tyre të famshme.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.