Në konferencën për shtyp të Mauricio Pochettino të shtunën e kaluar, trajneri i Paris Saint-Germain u pyet nëse Sergio Ramos do të ishte i disponueshëm për ndeshjen e dytë të 1/16 të Ligës së Kampionëve të së mërkurës kundër Real Madrid, pavarësisht se nuk kishte stërvitur me skuadrën.

Pochettino la të kuptohet se ish-kapiteni i Real Madrid-it mund të jetë i përfshirë kundër skuadrës së tij të vjetër, por definitivisht nuk do të jetë rikthimi i ëndrrave të Sergio-s, as i PSG-së, duke pasur parasysh vështirësitë që ai ka për t’u futur në ekip në këtë moment.

Çfarëdo që të ndodhë me situatën e Ramos në Paris, asnjëra palë nuk e ka hedhur poshtë ende, dhe është e qartë se për turmën në Estadio Santiago Bernabeu është një moment i mirë për të treguar dashurinë dhe respektin e tyre për një lojtar që është një legjend i cili nuk ishte në gjendje t’i thoshte lamtumirë klubit ashtu siç do të kishte dashur.

Ky ishte pjesërisht faji i tij, por kjo nuk e largon faktin se ai është një legjendë në sytë e tifozëve të Real Madrid-it dhe kjo duhet të jetë më e madhe se çdo gjë tjetër.

Situata nuk është e lehtë për asnjërën nga palët.

Për PSG-në, nënshkrimi i Ramos ishte një rrezikim i drejtorit sportiv Leonardo, dhe deri më tani rezultatet e këtij transferimi nuk ishin pozitive.

Megjithatë, Ramos nuk dëshiron ta përfundojë karrierën e tij brilante në një notë të hidhur, kështu që ai do të bëj të pamundurën të kthehet kundër ish klubit të tij.

Ramos nënshkroi një marrëveshje dyvjeçare, dhe në Francë nuk lejohen klauzola të anulimit të njëanshëm, kështu që nëse PSG dëshiron t’i japë fund kohës së Sergio në Paris, ata do të duhet të paguajnë vitin e dytë të marrëveshjes së tij.