Shtohen vatrat e zjarrit në Rusi/ Mbi 100 fshatra mbulohen nga tymi

Shumë fshatra dhe qytete ruse janë përfshirë nga masa të dendura tymi, ndërsa zjarret e pyjeve sa vijnë dhe rriten, në pjesën lindore të vendit.

Sipas njoftimit të autoriteteve, mbi 105 vendbanime, përfshirë dhe kryeqytetin e Republikës siberiane të Sakha, janë prekur nga zjarret,

Autoritetet përkatëse kanë marrë disa mostra ajri, për të identifikuar se sa toksik është smog-u.

Retë e krijuar nga tymi janë përhapur deri në ishullin Sakhalin, mbi 1 mijë e 700 kilometra larg.

Imazhet tregojnë një mjegull të dendur që bllokon rrezet e diellit në rrugët e Yakutsk, një qytet me 280 mijë banorë.

Qytetarët janë marrë në pyetje nga autoritetet, sipas të cilave shumë prej zjarreve janë shuar.

“Gjithçka është shuar, por pse është qyteti në tym?” kanë reaguar komentuesit në faqet zyrtare të qeverisë.

Të enjten, autoritetet numëruan 227 vatra zjarri në Sakha.

Sipas të dhënave nga Shërbimi i Mbrojtjes Ajrore të Pyjeve, zjarrfikësit u vendosën në një sipërfaqe totale prej rreth 666 mijë hektarë, ndërsa zjarret u lanë të digjen në 820 mijë hektarë në zona të pa populluar.

Në të gjithë vendin, zjarret janë përhapur në një sipërfaqe totale prej 1.7 milionë hektarë, sipas vlerësimeve zyrtare.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.