Shtëpia e Bardhë ka shpallur masa që janë vlerësuar si “veprimet më domethënëse të ndërmarra ndonjëherë nga çdo qeveri për të avancuar fushën e sigurisë së Inteligjencës Artificiale” sipas presidentit Joe Biden.
Sipas burimeve të mediave të huaja, një urdhër ekzekutiv nga Presidenti Biden i kërkon zhvilluesve të Inteligjencës Artificiale (AI) të ndajnë rezultatet e tyre me qeverinë amerikane. Ky veprim vendos SHBA-në në qendër të debatit global mbi rregullat dhe parimet e qeverisjes së AI.
Ndërkohë, Qeveria e Mbretërisë së Bashkuar është duke organizuar një samit mbi sigurinë e AI, të udhëhequr nga kryeministri Rishi Sunak, që fillon më 1 nëntor në Bletchley Park.
Ky samit ka ardhur si rezultat i shqetësimeve se zhvillimi i shpejtë i teknologjisë AI mund të çojë në sfida të reja.
Presidenti Biden ka premtuar të përdorë fuqinë e AI për të siguruar që amerikanët të mbeten të sigurt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
