Në një takim formal nuk është e domosdoshme që të regjistrohen vetëm çaste formale.
Optika e kamerave që transmetuan live gjatë gjysmës së parë të ditës, kapën edhe disa episode joformale.
Shtatë detajet e 26 nëntorit i dhanë më shumë ngjyrim takimit të shtatë mes qeverisë së Kosovës dhe Shqipërisë.
Me mbërritjen e kryeministrit të Kosovës, Albin Kurti, u shënua çasti i parë interesant.
Kurti mbante veshur një maskë kirurgjikale, ndërsa Rama, i cili kishte menduar deri në detajin më të vogël, ju afrua dhe i zgjati një maskë të personalizuar me ngjyrat kombëtare të dy flamujve.
Uniformitetit të tryezës iu bashkua edhe numri një i qeverisë së Kosovës, sapo u pozicionua në ulësen e tij.
Anëshkruar kabineteve qeveritare, gjendej projektimi i një qilimi me në sfond ngjyrat kuqezi dhe dy flamujt kombëtarë.
Raporti gjinor mes ministrave ishte i zhdrejtë.
Kabineti “Rama 3” mban një rekord botëror, pasi në përbërjen e tij 70 për qind janë gra.
12 ministre gra nga qeveria e Shqipërisë gjendeshin përballë 7 grave përfaqësuese të kabinetit qeverisës të Kosovës.
Detajin e radhës e ofroi Arbërie Nagavci, ministrja e Arsimit, Shkencës dhe Teknologjisë në Kosovë, e cila kishte veshur një shall me ngjyrë portokalli.
Kujtojmë që nga 25 nëntori ka filluar fushata 16-ditore, e njohur si “16 Ditët e Aktivizimit Kundër Dhunës me Bazë Gjinore”, e cila përfundon më 10 dhjetor, Ditën Ndërkombëtare të të Drejtave të Njeriut.
Kryeministri i Kosovës, Albin Kurti, ruajti një retorikë “patriotike” gjatë gjithë fjalës së tij.
Por ai identifikohej edhe nga një spil me flamujt e Kosovës dhe Shqipërisë që kishte vendosur në xhaketën e tij.
Ndërhyrja e Ramës kundrejt dy ministrave të Brendshëm gjatë fjalës së tyre ishte një “zhveshje” nga burokracitë brenda tavolinës së bisedimeve.
“Hiqeni fare afatin 5-vjeçar për lejeqëndrimin ndër shqiptarë”, ishte apeli i tij.
Në rendin e pjesës së parë të takimit, ishte kryeministri Rama ai që hapi fjalën dhe kryeministri Kurti që e përmbylli.
Por, kjo nuk ndodhi gjatë çastit të nënshkrimit të marrëveshjeve, ku u ruajt rendi i folësve në pjesën e parë.
Kur erdhi momenti i fotografisë zyrtare, mbas kaosit fillestar të gjetjes së vendeve, ra në sy se në krah të kryeministrit të Kosovës qëndroi zëvendës kryeministri i Shqipërisë dhe anasjelltas.
Artane Rizvanolli, ministrja e Ekonomisë në Kosovë, pati vështirësinë më të madhe gjatë fotografisë, pasi iu desh të ripozicionohej.
Ndërsa zhvillohej konferenca e përbashkët për shtyp e kryeministrave, pyetjet e planifikuara u ezauruan – nga dy për mediat shqiptare dhe ato të Kosovës.
Një gazetar kërkoi një pyetje të fundit dhe ishte kryeministri Rama ai që pranoi, duke dëshmuar faktin që takimi u mbajt në premisat e një ambienti tërësisht “vëllazëror”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Basha uron Plenkoviç për rizgjedhjen, e quan fitore edhe për Shqipërinë dhe rajonin
-
Shqipëria tashmë jashtë listës së vendeve në monitorim nga KiE, pas 29 vitesh
-
Bylykbashi zbulon propozimet për Reformën Zgjedhore, një ndër to listat e hapura
-
Bardhi thotë se do ta çojë sërish në Kushtetuese mandatin e Olta Xhaçkës
Lajmet kryesore
-
Ekskluzive: Hajnia multi-milionëshe e Liburn Aliut dhe Naser Hafizit
-
MPB: 10 pjesëtarë të Policisë së Kosovës janë ndaluar nga Serbia, 5 ende janë në mbajtje
-
Izraeli kishte vendosur të godiste Iranin të hënën, por më pas u tërhoq
-
Shqipëria tashmë jashtë listës së vendeve në monitorim nga KiE, pas 29 vitesh