![](https://albanianpost.com/wp-content/uploads/2024/02/IT.jpg)
Shqipëria është i vetmi vend në rajon, i cili nuk e ka në prioritet përdorimin e teknologjisë, për zhvillimin e kapitalit njerëzor.
Kështu ka rezultuar nga një raport i publikuar prej Forumit Ekonomik Botëror, bazuar edhe në një anketë të zhvilluar në gjithë botën.
Ky raport, është referuar së fundmi nga Këshilli i Bashkëpunimit Rajonal dhe ndryshe nga vendet e tjera rajonale (Kosova, Serbia, Mali i Zi, Maqedonia e Veriut, Bosnjë dhe Hercegovina), të cilat mendojnë të shfrytëzojnë revolucionin digjital për aftësimin e fuqisë punëtore, Shqipëria nuk e ka këtë prioritet.
Përpunimi i të dhënave është bërë nga “Markets of Tomorrow” dhe sipas tyre, tre teknologji në veçanti mund të bëhen të rëndësishme në Ballkan.
Përdorimi më i madh i teknologjive bujqësore është i pari, duke përllogaritur në ekuacion edhe mekanizmat vaditës, apo deri edhe te zhvillimi më i lartë me dronë bujqësorë.
Në raport, shfaqet si prioritet shumë i rëndësishëm në Serbi, Maqedoninë e Veriut dhe Malin e Zi, por në Shqipëri, Kosovë e Bosnjë dhe Hercegovinë, shfaqet si më pak i rëndësishëm.
Më tej, anketa ka cilësuar prioritet arsimin dhe teknologjitë e zhvillimit të fuqisë punëtore, si çështje strategjike për avancimin në ekonomitë e Ballkanit.
Këtu përfshihet nga informatizimi, e deri te përdorimi i Inteligjencës Artificiale.
Teksa në vendet e tjera rajonale shihet si i rëndësishëm, apo disi i rëndësishëm, në Shqipëri nuk merret në konsideratë.
Pika e tretë lidhet mandej me gjenerimin dhe ruajtjen e energjisë, i cili pritet të jetë aspekt i një rëndësie strategjike në të ardhmen.
Në këtë pikë, të gjashtë vendet e shohin me rëndësi zhvillimin, teksa angazhimi më i lartë vërehet në Bosnjë dhe Hercegovinë.
Implementimi i teknologjive të reja në sektorë të ndryshëm ndërkaq është bërë pjesë edhe e agjendave shumëvjeçare evropiane, në të cilat Shqipëria është përfshirë tashmë, me planin e ri ekonomik për Ballkanin Perëndimor.
Për t’u parë mbetet se si do të mund të implementohen këto teknologji.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rehabilitimi i hekurudhës Vorë-Hani i Hotit – Nënshkruhet marrëveshja Shqipëri-BE-BERZH
-
KLP emëron 23 prokurorët e rinj në rrethe
-
Basha: Raporti i KE konfirmon qëndrimin tonë për amnistimin e të korruptuarëve nga Rama e Berisha
-
Sekuestrohen 7 tonë kafe kontrabandë në Tiranë – 1 shtetas në pranga, 5 në kërkim