Ministria e Ekonomisë dhe Financave e Shqipërisë do të ofrojë 2 miliardë lekë kartëmonedha thesari me normë fikse 3-vjeçare në një ankand më 19 qershor, tregojnë të dhënat e Bankës Qendrore.
Letrat me vlerë të qeverisë kanë një normë kupon prej 5% dhe do të maturohen më 24 shkurt 2026, sipas kalendarit të ankandeve të ardhshme të letrave të thesarit të publikuar nga banka qendrore.
Në ankandin e fundit të letrave me vlerë trevjeçare të thesarit nga i njëjti emetim i mbajtur më 24 maj, Ministria shiti 1.85 miliardë lekë letra me vlerë të qeverisë. Yield-i minimal i pranuar ishte 4,10%, ndërsa yield-i maksimal i pranuar ishte 4,55%.
Obligacionet 5-vjeçare janë pjesë e projektit të titujve referencë, të ndërmarrë nga Ministria e Financave dhe Banka e Shqipërisë, me qëllim zhvillimin e tregut dytësor të titujve.
Në ankandet e këtyre titujve marrin pjesë në mënyrë direkte vetëm pesë banka tregtare që kanë lidhur marrëveshje me Ministrinë e Financave për këtë qëllim, të përcaktuar si Zhvillues të Tregut. Pjesëmarrësit e tjerë të interesuar mund të marrin pjesë vetëm nëpërmjet këtyre subjekteve.
Për instrumentet me maturim afatgjatë, tregu po karakterizohet ende nga një hezitim i konsiderueshëm i investitorëve. Kjo është e lidhur kryesisht me pritshmëritë për rritje të mëtejshme të normave të interesit, që mund t’i bëjë më pak të leverdisshme investimet me yield-et aktuale në afatin e mesëm dhe të gjatë.
Banka e Shqipërisë ka paralajmëruar një normalizim gradual të politikës monetare në afatin e mesëm, që nënkupton rritje graduale të normës bazë të interesit. Rritja e fortë e inflacionit që ka prekur ekonominë shqiptare këtë vit, kryesisht si rezultat i pasojave që shkaktoi lufta në Ukrainë në tregjet e mallrave, bëri që procesi i rritjes së normave të interesit të niste më herët nga sa parashikohej.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Si ia futën kot Osmani e Haxhiu për “padinë për gjenocid në Strasburg”, juristët përqeshin presidenten e ministren
-
Media, halli i ‘Heroit’ të Tiranës
-
Sulmi i përsëritur ndaj dëshmitarëve dhe gjyqtarëve, Trump rrezikon arrestin
-
Gërvalla injoron të gjeturat e raportit të DASH-it e Freedom House, thotë se Kosova është në krye të luftës kundër korrupsionit