![](https://albanianpost.com/wp-content/uploads/2022/01/minimalistic-gray-textures-2560x1600-wallpaper_www-2022-01-31T122538.753.jpg)
Gjashtë persona mbetën të vrarë dhe shtatë të tjerë janë plagosur të hënën e 31 janarit.
Sipas zëdhënësit të policisë keniane, një pajisje shpërtheu teksa po kalonte një minibus.
Incidenti tragjik është regjistruar në verilindje të Kenia-s, pranë kufirit me Somalinë.
“Ne patëm një incident këtë mëngjes në të cilin gjashtë persona u vranë në një sulm ndaj një automjeti”, tha Bruno Shioso, zëdhënës i policisë kombëtare, duke shtuar se sulmi ndodhi në orën 07:30 të mëngjesit.
Shtatë persona të tjerë u plagosën “me shkallë të ndryshme lëndimi”, shtoi ai për Agjencinë Franceze të Lajmeve (AFP).
Automjeti me 14 ulëse u përplas me një mjet shpërthyes dhe më pas u sulmua nga armët automatike dhe granatahedhëse.
Kjo, sipas një raporti zyrtar të policisë.
Sulmi ndodhi rreth tetë kilometra nga qyteti i Mandera-s.
Rajoni Mandera i Kenias është skena e bastisjeve përgjatë kufirit me Somalinë.
Në kufi grupi islamik somalist Shabaab kontrollon zona të mëdha rurale.
Zyrtarët kenianë akuzojnë rregullisht Al-Shabaab për këto sulme të kryera në tokën e saj.
Në janar të vitit 2020, lëvizja e lidhur me Al-Qaedan, paralajmëroi se Kenia “nuk do të ishte kurrë e sigurt”.
Javën e kaluar, disa ambasada të huaja (Francë, Gjermani, Shtetet e Bashkuara) paralajmëruan për një sulm të mundshëm terrorist kundër të huajve në Nairobi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parisi i dhuron botës ceremoninë më madhështore në historinë e Lojërave Olimpike
-
Ethet Oropuche, dy vdekjet e para në botë regjistrohen në Brazil
-
Kina dhe Rusia organizojnë patrullën e parë të përbashkët bombarduese pranë Alaskës
-
Tre anëtarë të dyshuar të IS në Belgjikë akuzohen për planifikimin e një sulmi terrorist