Shkollat publike në Seattle paditin kompanitë e mediave sociale për “krizën e shëndetit mendor” të të rinjve

Në Seattle, shkollat publike kanë ngritur një padi kundër shumë kompanive të mëdha të mediave sociale, duke i akuzuar për dëmtim të shëndetit mendor të të rinjve në të gjithë vendin.

Padia i akuzon kompanitë e mediave sociale pas TikTok-ut, Facebook-ut, Instagram-it, Snapchat-it dhe YouTube-it për krijimin e një “krize të shëndetit mendor midis të rinjve amerikanë”.

“Rritja e të pandehurve është një produkt i zgjedhjeve që ata bënë për të dizajnuar dhe operuar platformat e tyre në mënyra që shfrytëzojnë psikologjinë dhe neurofiziologjinë e përdoruesve të tyre për të shpenzuar gjithnjë e më shumë kohë në platformat e tyre”, thuhet në padi.

Po ashtu shtohet se këto teknika janë veçanërisht të efektshme dhe të dëmshme për audiencën e të rinjve.

“Të pandehurit kanë shfrytëzuar me sukses trurin vulnerabël të të rinjve, duke i lidhur dhjetëra miliona studentë në të gjithë vendin në reagime pozitive të përdorimit të tepruar dhe abuzimit të platformave të mediave sociale të të pandehurve”, vijon padia.

Ndër to është përmendur përmbajtja e dëmshme, duke përfshirë plane diete ekstreme dhe inkurajime vetëdëmtimi.

Gjithashtu sjellja e pahijshme e kompanive është lidhur me rritjen e niveleve të ankthit, depresionit, mendimeve për vetëdëmtim dhe ideve për vetëvrasje të përjetuara te të rinjtë.

Sipas padisë, nga viti 2009 deri në vitin 2019, ka pasur mesatarisht një rritje prej 30 për qind të numrit të nxënësve në shkollat publike të Seattle, të cilët kanë thënë se ndiheshin “të trishtuar ose të pashpresë thuajse çdo ditë për dy javë ose më shumë radhazi”.

Dhe teksa studentët përjetojnë probleme të ndryshme të shëndetit mendor, performanca e tyre në shkolla bie, duke i bërë ata më pak të prirur për të ndjekur shkollën dhe më shumë gjasa të përfshihen në përdorimin e substancave.

Padia pretendon se kompanitë e mediave sociale janë përgjegjëse për rekomandimin, shpërndarjen dhe promovimin e përmbajtjes dhe marketingun e platformave të tyre “në një mënyrë që shkakton dëm”.

Ndërkaq, rrethi i shkollave kërkon dëmshpërblim si pasojë e “shqetësimit publik” për të cilin i ka kërkuar gjykatës të urdhërojë kompanitë të ndalojnë krijimin.

Po ashtu po kërkojnë para për të paguar për edukimin dhe trajtimin parandalues për përdorimin e tepruar dhe problematik të mediave sociale.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.