Shkodra e Karnavaleve

Shkodra është përfshirë në magjinë festive të Karnavaleve.

Kostumet shumëngjyrëshe, maskat si dhe atmosfera festive po mbizotërojnë në qytet gjatë këtyre tre ditëve.

E njohur për karnavalet e famshme, Shkodra e ka shndërruar këtë traditë në një nga festat më të bukura të qytetit.

Karnavalet nisën me paradën e fëmijëve dhe performancën artistike nga shkollat dhe xhonglerët. Gjithashtu do të zhvillojnë edhe punëtori për krijimin e maskave-facepainting, klounata, në mbrëmje festa do të vijojë me spektaklin e dritave, ndërsa pas mesnate, grupe shëtitëse artistësh me veshje e maska veneciane do të jenë në baret e restorantet e qytetit.

Për tri ditë me radhë, nga 23-25 shkurt rrugët e Shkodrës janë gjallëruar nga festa e karnavaleve.

Prej disa ditësh fëmijë, të rinj e të rritur, nxënës e mësues, artistë, instrumentistë e akrobatë, artizanë e bejtexhinj, punonjës të hotelerisë e kulinarisë, fotografë e dizenjues, u përfshinë në atmosferën e karnavaleve, që përfundojnë këtë të dielë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.