Shiten mbi 20 mijë bileta brenda tri orëve për ndeshjen Suedi – Kosovë

Vetëm tri orë pasi dolën ne shitje, janë shitur 21 mijë e 834 bileta për ndeshjen mes Suedisë dhe Kosovës.

Këtë e ka bërë të ditur Federata e Futbollit të Suedisë, përmes një postimi në twitter.

Suedia do të jetë nikoqir i Kosovës më 9 tetor, në ndeshjen kualifikuese të Kupës së Botës “Katar 2022”.

Takimi do të zhvillohet në stadiumin “Friends Arena” në Stockholm, kapaciteti i të cilit është 50 mijë ulëse, që do të thotë se gati gjysma e stadiumit është rezervuar për të ndjekur këtë takim.

2️⃣1️⃣ 8️⃣3️⃣4️⃣ sålda biljetter mot Kosovo!

På bara tre timmar har nästan hälften av biljetterna till VM-kvalmatchen hemma mot Kosovo 9 oktober sålts 🙌

Klockan 14.00 släpper vi biljetterna mot Grekland 12 oktober. Håll utkik! 👀

— Svensk Fotboll (@svenskfotboll) September 17, 2021

Thuhet se pritet të ketë një interesim të madh të shqiptarëve që jetojnë në Suedi për të ndjekur nga afër këtë ballafaqim.

Derisa kujtojmë që Suedia e vizitoi Kosovën më 28 mars, ndeshje të cilën e fituan me rezultat 0:3.

Sa i përket renditjes, Kosova aktualisht pozicionohet në vendin e katërt të Grupit B me katër pikë të grumbulluara, pas pesë ndeshjeve, ndërsa Suedia është e dyta më nëntë pikë në katër ndeshje të luajtura.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.