Në Shtetet e Bashkuara të Amerikës, Departamenti i Tregtisë ka deklaruar se po shton shtatë njësi kineze superkompjuterike në listën e zezë të ekonomisë.
Agjencia e lajmeve, Reuters, tregon se njësitë e përfshira në listën e zezë të departamentit merrnin pjesë në ndërtimin e superkompjuterëve të përdorur nga aktorët ushtarakë të Kinës.
Sipas departamentit, njësitë ishin pjesë e përpjekjeve destabilizuese të Kinës në drejtim të modernizimit ushtarak dhe programeve të armëve të shkatërrimit në masë.
Mirëpo, Ambasada Kineze e vendosur në Washington nuk i është përgjigjur në mënyrë të menjëhershme kërkesave për koment.
“Mundësitë superkompjuterike janë jetike për zhvillimin e pothuajse të gjitha armëve moderne dhe sistemeve të sigurisë kombëtare, të tilla si armët bërthamore dhe armët hipersonike”, ka thënë Gina Raimondo, sekretarja e tregtisë.
Kompanive të listuara u kërkohet të aplikojnë për licenca nga Departamenti i Tregtisë dhe përballen me vëzhgim të ashpër në momentin që kërkojnë leje për të marrë artikuj nga furnitorët amerikanë.
Rregullat hyjnë në fuqi në mënyrë të menjëhershme, mirëpo ato nuk zbatohet për mallrat e furnitorëve amerikanë që janë tanimë pjesë e procesit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
