SHBA, republikanët në gjashtë shtete ‘imitojnë’ ligjin e Texas-it kundër abortit

Dakota e Veriut, Dakota e Jugut, Misisipi, Indiana, Arkansas dhe Florida marrin masa të ngjashme me ndalimin e ri të Teksasit pas gjashtë javësh

Udhëheqësit republikanë në gjashtë shtete amerikane po nxitojnë të ndjekin shembullin e Texas-it në miratimin e një ndalimi ekstrem të abortit, të cilin kritikët, përfshirë presidentin amerikan Joe Biden, e kanë cilësuar si antikushtetues dhe të ndërtuar për të inkurajuar vigjilencën në mesin e publikut.

Mbështetësit e të drejtave të abortit janë duke u përgatitur për t’i rezistuar një mori iniciativash nga Florida në Dakota-n e Veriut në vazhdën e ligjit të ri të Texas-it – më ekstremi në SHBA – të cilin shumica konservatore në gjykatën supreme refuzoi ta bllokojë.

Të mërkurën, ligji hyri në fuqi në Texas, duke ndaluar abortin gjashtë javët e fundit të shtatzënisë, përfshirë viktimat e incestit ose përdhunimit dhe duke i dhënë çdo qytetari mundësinë të padisë dikë që siguron një abort ose dikë që madje besohet se po ndihmon dikë për të bërë një abort.

Brenda një dite nga hyrja në fuqi e ligjit, gjashtë shtete të tjera – Dakota e Veriut, Mississippi, Indiana, Florida, Dakota e Jugut dhe Arkansas – kanë thënë se po kërkojnë të miratojnë një ndalim të ngjashëm, sipas raporteve të shumta.

Kristin Ford, nënkryetare e komunikimit dhe kërkimit në Naral Pro-Choice America, dënoi mënyrën se si gjashtë shtetet u përpoqën të merrnin parasysh legjislacionin me një urgjencë të tillë pasi ligji i Texas-it hyri në fuqi.

“Ky është kërcënimi më akut dhe urgjent për abortin ligjor që kur Roe u vendos gjysmë shekulli më parë”, i tha ajo agjencisë së lajmeve britanike “The Guardian”, duke iu referuar vendimit të gjykatës supreme “Roe V Wade” të SHBA-ve në vitin 1973.

Ky ligj në mënyrë efektive e bëri abortin të ligjshëm në mbarë vendin dhe vendosi të drejtën për një abort para se fetusi të jetë krijuar jashtë mitrës, zakonisht rreth 24 javë.

Ford tha se ky ishte një produkt i retorikës së radikalizuar gjithnjë e më shumë të së djathtës.

E djathta radikale ka punuar me dekada për të shkatërruar lirinë riprodhuese dhe për të ndaluar përparimin shoqëroro. “Por ato nuk përfaqësojnë vlerat e amerikanëve, tetë në dhjetë prej të cilëve mbështesin abortin e sigurt dhe ligjor, dhe shtyrja e këtyre ligjeve të tmerrshme fluturon përballë opinionit publik”.

Sipas sondazhit të Qendrës Kërkimore Pew nga maji, rreth 59% e amerikanëve thonë se mbështesin të drejtën për abort në të gjitha ose shumicën e rasteve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.