Sekretari Amerikan i Shtetit, Antony Blinken, ka shprehur mbështetjen ndaj palëz izraelite. Në konfliktet e fundit me autoritetin palestinez, dhjetëra persona kanë mbetur të vdekur si pasojë e bombardimeve të shumëfishta të ndodhura.
“Fola me kryeministrin izraelit sot, mbi gjendjen në Izrael, përfshi sulmet në Rripin e Gazës, të cilët kanë pasur shënjestër qytetarë izraelitë”, shkruan Blinken në Twitter.
Sipas sekretarit, Izraeli ka të drejtën të vetëmbrohet. Por, nga ana tjetër, ai ka theksuar edhe nevojën që palestinezët kanë për të jetuar në siguri.
Sipas Blinken-it, është jetësore që situata të qetësohet dhe konflikti të mos përkeqësohet më tej.
Çfarë ka ndodhur në Izrael ditët e fundit?
Së fundmi, shteti i Izraelit ka shpallur gjendjen e jashtëzakonshme në qytetin qendror të Lod-it pas trazirave të ndodhura ditët e fundit.
Jerusalemi ka parë këto ditë trazirën më të rëndë ndër vite, me qindra protestues palestinezë të plagosur në përleshjet me policinë e Izraelit.
Më shumë se 20 njerëz janë vrarë në Gaza pas luftimeve mes militantëve palestinezë dhe Izraelit.
Palestinezët lëshuan qindra raketa në Izrael, ndërsa ky i fundit kreu sulme të mëdha ajrore në Gaza.
Ushtria e Izraelit nga ana tjetër, synon militantët në Gaza në përgjigje të sulmeve me raketa në Jerusalem.
Më shumë se 1 mijë raketa janë qëlluar drejt Izraelit nga militantët palestinezë që nga e hëna në mbrëmje. Prej asaj dite, luftimet u përshkallëzuan.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Drejtësisë ultimatum Izraelit: Lejo hyrjen e ndihmave humanitare në Gaza
-
Lavrov: Armenia shkakton kolapsin e marrëdhënieve me Moskën
-
Xiaomi do të nxjerrë në treg automjetin e vet të parë elektrik
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë