SHBA kufizon tregtinë e një duzine firmash teknologjike kineze

Në Shtetet e Bashkuara të Amerikës, qeveria ka shtuar në listën e saj të kufizuar tregtare një duzinë kompanish kineze, duke paralajmëruar shqetësimet e sigurisë kombëtare dhe politikës së jashtme.

Agjencia e lajmeve, “BBC”, tregon se referuar Washington-it, disa nga firmat po ndihmojnë në zhvillimin e programit kompjuterik kuantik të ushtrisë kineze.

Kjo lëvizje e fundit vjen teksa rriten tensionet midis SHBA-ve dhe Kinës mbi statusin e Tajvanit dhe çështje të tjera.

Madje, në fillim të këtij muaji, tregtia ishte ndër çështjet e diskutuara në një samit virtual midis krerëve të të dy vendeve.

Tetë firma teknologjike me bazë në Kinë u shtuan në të ashtuquajturën “Lista e Entiteteve” për rolin e tyre të supozuar në asistimin e përpjekjeve kompjuterike kuantike të ushtrisë kineze.

Gjithashtu edhe për blerjen ose përpjekjen “për të blerë artikuj me origjinë amerikane në mbështetje të aplikacioneve ushtarake”.

Lista është përdorur gjithnjë e më shumë për arsye të sigurisë kombëtare që nga administrata e mëparshme e ish-presidentit, Donald Trump.

Gjithashtu Departamenti Amerikan i Tregtisë ka thënë se 16 individë dhe subjekte që operojnë në Kinë dhe Pakistan janë shtuar në listë për shkak të përfshirjes së tyre në “aktivitetet e pambrojtura bërthamore të Pakistanit ose programin e raketave balistike”.

“BBC” dallon se u shtuan 27 subjekte të reja në listë nga Kina, Japonia, Pakistani dhe Singapori.

Kurse Instituti i Fizikës dhe Teknologjisë në Moskë iu shtua listës së përdoruesve të fundit ushtarakë të departamentit, megjithëse lista nuk jepte më shumë detaje përveçse kishte prodhuar pajisje ushtarake.

Sipas sekretares së tregtisë, Gina Raimondo, listimet e reja do të ndihmojnë në parandalimin e teknologjisë amerikane që të mbështesë “avancimin ushtarak dhe aktivitetet e mospërhapjes ushtarake kineze dhe ruse”.

Tanimë, furnizuesit e mundshëm të firmave në listë do të duhet të aplikojnë për një licencë përpara se të mund t’u shesin atyre.

Huawei, gjiganti kinez i telekomunikacionit, u shtua në listë në vitin 2019 mbi pretendimet se përbënte një rrezik për sigurinë kombëtare të SHBA-ve.

Ky veprim e ndërpreu atë nga disa nga furnizuesit kryesorë dhe e bëri të vështirë për kompaninë prodhimin e telefonave celularë.

Më parë, qeveria kineze ka mohuar se ka marrë pjesë në spiunazh industrial.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.