SHBA-ja vlerëson arritjet e FSK-së në fazën e tranzicionit

Drejtori për Politikat Evropian dhe të NATO-s në kuadër të Ministrisë së Mbrojtjes së Shteteve të Bashkuara të Amerikës, Alton Buland, ka vlerësuar arritjet e Forcës së Sigurisë së Kosovës në fazën e dytë të planit gjithëpërfshirës së tranzicionit në konsultimet dypalëshe në mes të Ministrisë së Mbrojtjes së SHBA-ve dhe të Kosovës

Qëllimi i konsultimeve dypalëshe, sipas një komuniate të leshtuar nga ana e Departamentit të Mbrojtjes, ishte diskutimi i prioriteteve të bashkëpunimit në fushën e sigurisë ndërmjet Kosovës dhe SHBA-ve si dhe mbështetjen në zbatimin e planit 10 vjeçar të tranzicionit të FSK-ës.

“Udhëheqësit ndanë informacione rreth projekteve që synojnë të ndihmojnë në përmirësimin e aftësive dhe ndërveprimit të FSK-së, angazhimet e ardhshme ushtarake, Programin e Partneritetit Shtetëror me Gardën Kombëtare të Iowa-s dhe anëtarësimin në organizata ndërkombëtare”, thuhet në njoftim.

Buland ka falënderuar FSK-në për kontributin në ofrimin e trajnimeve për deminim të ushtarëve ukrainas.

“Buland përshëndeti Kosovën për arritjet që FSK-ja ka bërë në fazën e dytë të planit gjithëpërfshirës të tranzicionit dhe falënderoi ministrin Maqedonci për kontributin e FSK-së në Ukrainë duke përfshirë ofrimin e trajnimeve dhe ekspertizës në deminim”.

“Udhëheqësit riafirmuan rëndësinë e respektimit të standardeve më të larta të vlerave demokratike, shtetit të së drejtës dhe të drejtave të njeriut në të gjitha aspektet për marrëdhëniet dypalëshe të mbrojtjes”, vijon tutje njoftimi.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.